02.07.2026 | 11:14
Փաշինյանը կառավարությունում հյուրընկալել է Ուրսուլա ֆոն դեր Լայենին․ ՏԵՍԱՆՅՈՒԹ
Կրեմլը մեկնաբանել է Թրամփի հայտարարությունը Պուտինի և Զելենսկիի հետ զրույցների մասին
Քաղաքականություն
27.04.2026 | 16:50
Կրեմլը հայտարարել է, որ միշտ տեղեկացնում է ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հեռախոսազրույցների մասին, գրում է Ինտերֆաքսը։
«Մենք հաղորդագրություններ ենք տրամադրում, իսկ իմ գործընկեր Ուշակովը (ՌԴ նախագահի օգնական Յուրի Ուշակով) ճեպազրույցներ է անցկացնում, պատմում է տեղի ունեցած հեռախոսազրույցների մասին»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով հարցին, թե երբ է տեղի ունեցել Ռուսաստանի և ԱՄՆ նախագահների վերջին հեռախոսազրույցը։
Վլադիմիր Պուտինի և Դոնալդ Թրամփի միջև հնարավոր ոչ պաշտոնական շփման մասին հարցին Պեսկովը պատասխանել է. «Սա այն ամենն է, ինչ կարող եմ ասել»։
Նախօրեին Թրամփը հայտարարել էր, որ Ուկրաինայում հակամարտության կարգավորման ջանքերի շրջանակում «լավ զրույցներ» է ունեցել Պուտինի և Ուկրաինայի նախագահ Վլադիմիր Զելենսկիի հետ։
«Ես զրույցներ ունեմ նրա հետ, ես զրույցներ ունեմ նախագահ Զելենսկիի հետ, և դրանք լավ զրույցներ էին։ Մենք աշխատում ենք Ռուսաստանի և Ուկրաինայի միջև ստեղծված իրավիճակի ուղղությամբ և հուսով ենք՝ կլուծենք այն»,- ասել է նա Fox News-ին՝ առանց մանրամասնելու, թե երբ են տեղի ունեցել այդ զրույցները։
Ռուսաստանի, Ուկրաինայի և Միացյալ Նահանգների մասնակցությամբ եռակողմ խաղաղության բանակցությունները սառեցվել են փետրվարի վերջին Իրանի հետ ԱՄՆ-Իսրայել պատերազմի սկսվելուց հետո։
Թարգմանությունը՝ Էմմա Չոբանյանի
