02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
ՄԱԳԱՏԷ-ն դատապարտել է Զապորոժիեի ԱԷԿ-ին հարվածը, որի հետևանքով մեկ մարդ է զոհվել
Քաղաքականություն
27.04.2026 | 15:39
Ատոմային էներգիայի միջազգային գործակալությունը (ՄԱԳԱՏԷ) իր պաշտոնական ֆեյսբուքյան էջում հայտարարել է, որ կհետաքննի Զապորոժիեի ատոմակայանի վրա անօդաչու թռչող սարքի հարվածը, որի հետևանքով զոհվել էր ատոմակայանի շենքի մոտ գտնվող տրանսպորտային արտադրամասի վարորդը, գրում է BBC-ի ռուսական ծառայությունը։
Հայտարարության մեջ ասվում է, որ տեղում է ՄԱԳԱՏԷ-ի խումբը՝ միջադեպը հետաքննելու և իրավիճակի զարգացմանը հետևելու համար։ Կազմակերպությունը նաև նշել է, որ ատոմակայանների վրա կամ դրանց մոտ հարվածները «կարող են վտանգել միջուկային անվտանգությունը, և դրանք անընդունելի են»։
Ավելի վաղ ատոմակայանի ռուսական ղեկավարությունը սոցիալական ցանցերում հայտնել էր վարորդի մահվան մասին։ Մոսկվան 2022 թվականին գրավել է Եվրոպայի ամենամեծ՝ Զապորոժիեի ատոմակայանը, և այդ ժամանակից ի վեր բազմիցս մեղադրել է ուկրաինական զինվորականներին ատոմակայանի հրետակոծության մեջ։ Կիևը ձգտում է վերականգնել ատոմակայանի նկատմամբ վերահսկողությունը։
Կիևը դեռևս չի մեկնաբանել միջադեպը։
Թարգմանությունը՝ Էմմա Չոբանյանի
