18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Սամվել Ֆարմանյանը խորհուրդ է տալիս փայփայել ՀՀ-ՌԴ ռազմաքաղաքական համագործակցությունը․ ՏԵՍԱՆՅՈՒԹ
Քաղաքականություն
21.11.2018 | 11:57
Ազգային ժողովի «Հանրապետական» խմբակցության պատգամավոր Սամվել Ֆարմանյանը խորհրդարանի իր գործընկերներին խորհուրդ է տալիս միջազգային տարբեր կառույցներում Հայաստանի անդամակցության պատճառների մասին խոսելիս խոսել պարզ և հասկանալի։
«Երբ ՀՀ-ն անդամակցում է միջազգային կազմակերպությունների՝ այդ թվում ՀԱՊԿ-ին և ԵՏՄ-ին, դա բխում է Հայաստան-Ռուսաստան ռազմաքաղաքական համագործակցությունից։ Եթե մենք այս կազմակերպություններում մեր ներգրավվածությամբ այս պարզ ճշմարտությունը չպետք է ընդունենք որպես հիմք, ապա մեզ սպասում է հիասթափություն։ ՀՀ-ն չի անդամակցել ՀԱՊԿ-ին, որ բելառուս կամ ղազախ զինվորներն անհրաժեշտության դեպքում ապահովեն ՀՀ անվտանգությունը։ Կան ՀՀ-ՌԴ դաշնակցային ռազմաքաղաքական հարաբերություններ, որոնք պետք է փայփայել ու խնամել»,- այսօր Ազգային ժողովի արտահերթ նիստի ընթացքում ասաց Սամվել Ֆարմանյանը՝ ընդգծելով, որ այդ միջազգային կառույցների անդամներից էլ պետք չէ ակնկալել, որ նրանք առաջնորդվեն ՀՀ պետական շահով։
«Այդ ռազմաքաղաքական դաշինքներում, տնտեսական դաշինքներում ևս յուրաքանչյուր պետություն փորձելու է տանել իր շահերը, դրանից ոչ պետք է հիասթափվել և ոչ էլ վատ զգալ»,- ասաց պատգամավորը։
Մանրամասները՝ տեսանյութում։
