02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը. Փելոսի
Քաղաքականություն
24.04.2026 | 22:50
ԱՄՆ Ներկայացուցիչների պալատի նախկին խոսնակ Նենսի Փելոսին Հայոց ցեղասպանության հիշատակի օրվա կապակցությամբ գրառում է կատարել՝ նշելով, որ ոգեկոչում են 111 տարի առաջ սարսափելի ցեղասպանության ժամանակ սպանված 1.5 միլիոն հայերի հիշատակը։
«Հպարտ էի լինել խոսնակ, երբ Կոնգրեսը պաշտոնապես ճանաչեց Հայոց ցեղասպանությունը»,- գրել է Փելոսին՝ հավելելով, որ իր համար պատիվ էր գլխավորել Կոնգրեսի պատվիրակությունը Հայաստան և այցելել Ծիծեռնակաբերդի հուշահամալիր՝ հարգանքի տուրք մատուցելու սպանված տղամարդկանց, կանանց և երեխաների հիշատակին։
Փելոսին ընդգծել է, որ պատմական ճշմարտության վերահաստատմամբ հնարավոր է աշխատել՝ թույլ չտալու նման ողբերգությունների կրկնություն։
«Հայոց ցեղասպանության հիշատակի օրը մենք հիշում ենք 111 տարի առաջ սարսափելի ցեղասպանության ժամանակ սպանված 1.5 միլիոն հայերին»,- գրել է Փելոսին։
Հիշեցնենք՝ Նենսի Փելոսին Հայաստան էր այցելել 2022 թվականի սեպտեմբերի 17-19-ին՝ ԱՄՆ Կոնգրեսի պատվիրակության կազմում։ Սեպտեմբերի 18-ին նա պատվիրակության անդամների հետ այցելել էր Ծիծեռնակաբերդի հուշահամալիր և ծաղկեպսակ դրել Հայոց ցեղասպանության զոհերի հիշատակին։
