14.03.2026 | 12:34
Մեր դե՞մ եք քվեարկելու, ասում են` ՌԴ-ի հայերը մեր դեմ են քվեարկելու. Փաշինյանը Սիսիան է գնացել․ ՏԵՍԱՆՅՈՒԹ
«Եվրադատարանի վճիռները մեզ չեն պարտավորեցնում». Էրդողան
Քաղաքականություն
20.11.2018 | 22:56
Թուրքիայի նախագահ Ռեջեփ Թայիփ Էրդողանը մեջլիսի «Արդարություն և զարգացում կուսակցության» (ԱԶԿ-AKP) խմբակցության խորհրդաժողովից հետո պատասխանել է լրագրողների հարցերին. փոխանցում է ermenihaber-ը:
Էրդողանը, ի պատասխան ՄԻԵԴ-ի պահանջի, այն է` վերացնել Թուրքիայի քրդամետ «Ժողովուրդների դեմոկրատական կուսակցության»(ԺԴԿ/HDP) նախկին համանախագահ Սելահաթթին Դեմիրթաշի կալանքը, ասել է. «Եվրադատարանի վճիռը մեզ չի պարտավորեցնում: Մենք կանենք մեր պատասխան քայլը, և գործը ավարտին կհասցնենք»:
Հիշեցնենք, որ Մարդու իրավունքների եվրոպական դատարանը (ՄԻԵԴ) նոյեմբերի 20-ին պահանջել է վերացնել Թուրքիայում բանտարկված քրդամետ «Ժողովուրդների դեմոկրատական կուսակցության» (ԺԴԿ/HDP) նախկին համանախագահ Սելահաթթին Դեմիրթաշի կալանքը:
Ըստ եվրադատարանի վճռի` Թուրքիան պիտի վճարի 10.000 եվրո որպես բարոյական փոխհատուցում և 15.000 եվրո` դատական ծախսերի համար:
