10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ապօրինի ջրառ՝ գազալցակայաններում և ջերմոցում. ԲԸՏՄ-ն կասեցրել է ապօրինի հորերի շահագործումը
Տնտեսություն
01.04.2026 | 20:58
Ջրային ռեսուրսների պահպանությանն ուղղված վերահսկողական միջոցառումների ընթացքում Բնապահպանության և ընդերքի տեսչական մարմնի աշխատակիցներն Արմավիրի մարզում հայտնաբերել են ապօրինի ջրօգտագործման 4 դեպք։
ԲԸՏՄ-ից հայտնում են, որ Վաղաշապատ համայնքում գործունեություն իրականացնող «Լի գազ», «Առաջին ծիծեռնակ» և «Ներսես Միսակյան» ՍՊԸ-ներին պատկանող գազալցակայաններում կոմպրեսատորների հովացման ու տեխնիկական այլ աշխատանքների համար ապօրինի շահագործվել է մեկական խորքային հոր՝ առանց ջրօգտագործման թույլտվության։
Նույն մարզի Ոսկեհատ բնակավայրում «Ագրո Սոֆյա» ՍՊԸ-ն ջերմոցային տնտեսության ոռոգումն իրականացրել է ապօրինի խորքային հորից՝ նույնպես չունենալով օրենքով սահմանված թույլտվություն։
Տեսչական մարմնի Արմավիրի տարածքային բաժնի պետի որոշումներով բոլոր 4 ապօրինի հորերի շահագործումները կասեցվել են։
