ԱՄՆ-ը տեղյակ է հակառակորդների կողմից Իրանին հետախուզական տվյալներ տրամադրելու մասին․ Հեգսեթ

ԱՄՆ պատերազմի նախարար Փիթ Հեգսեթը խոստովանել է՝ Վաշինգտոնը տեղյակ է, որ մրցակից երկրներն ամերիկյան ակտիվների վերաբերյալ հետախուզական տվյալներ են տրամադրում Իրանին, գրում է CNN-ը։

«Կան որոշ բաներ, որոնք հակառակորդներն անում են՝ տեղեկատվություն և հետախուզական տվյալներ տրամադրելու համար, որոնք չպետք է տրամադրեին։ Մենք տեղյակ ենք այդ մասին և, ի վերջո, մենք փոխում ենք իրավիճակը»,- ասել է Հեգսեթը՝  մամուլի ասուլիսում պատասխանելով ԱՄՆ զինված ուժերի կողմից Սաուդյան Արաբիայի ավիաբազայում ամերիկյան ռազմաօդային ուժերի E-3 Sentry ինքնաթիռի ոչնչացումից հետո ակտիվները պաշտպանելու համար ձեռնարկվող միջոցառումների մասին։

CNN-ն այս ամսվա սկզբին հաղորդել էր, որ Ռուսաստանն օգնում է Իրանին՝ տրամադրելով հետախուզական տվյալներ ամերիկյան զորքերի, նավերի և ինքնաթիռների գտնվելու վայրերի և տեղաշարժերի վերաբերյալ: Աղբյուրները հայտնել էին, որ ԱՄՆ-ը նաև հետախուզական տվյալներ ունի, որոնք ենթադրում են, որ Չինաստանը կարող է պատրաստվել Իրանին տրամադրել ֆինանսական օգնություն, պահեստամասեր և հրթիռային բաղադրիչներ:

Հեգսեթը նաև պնդել է, որ Իրանում ռեժիմի փոփոխություն է տեղի ունեցել, և երկրի ղեկավարությունը պետք է «ավելի իմաստուն լինի, քան նախորդը»։ Նա զգուշացրել է, որ եթե նրանք չհամաձայնվեն նախագահ Դոնալդ Թրամփի հետ, ապա ԱՄՆ զինված ուժերը կշարունակեն հարվածել «ավելի մեծ ինտենսիվությամբ»։

ԱՄՆ շտաբների պետերի միացյալ ուժերի ղեկավար Դեն Քեյն էլ հայտարարել է, որ նավատորմը հաջողությամբ ոչնչացրել է ավելի քան 150 նավ, և վերջին 30 օրվա ընթացքում հարվածել է ավելի քան 11,000 թիրախի։ Նա ասել է, որ ԱՄՆ օդային գերազանցության աճը թույլ է տալիս B-52 ռմբակոծիչներին թռչել ցամաքի վրայով՝ բացելով թիրախավորման տարբերակներ։

Թարգմանությունը՝ Էմմա Չոբանյանի