26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Հայտնի է, թե որ ուժերի հետ է դաշինք կազմում «Ուժեղ Հայաստանը»
Քաղաքականություն
31.03.2026 | 12:58
Որոշում է կայացվել դաշինք կազմել նոր ուժերի հետ՝ Հայաստանում նոր քաղաքական համակարգ ստեղծելու համար։ Այս մասին լրագրողների հետ զրույցում նշեց «Ուժեղ Հայաստան» կուսակցության անդամ Նարեկ Կարապետյանը։
«Պետք է նոր հնարավորություն տանք երիտասարդ և մեծ պոտենցիալով ուժերին, որպեսզի կարողանանք երկրում որակական փոփոխություններ բերել»,-նշեց նա։
Քաղաքական միավորները, որոնց հետ դաշինք կկազմի «Ուժեղ Հայաստանը», Նաիրի Սարգսյանի գլխավորած «Հայաստանը ես եմ» նախաձեռնության և Հարություն Հարությունյանի ղեկավարած նորաստեղծ «Նոր Դարաշրջան» կուսակցությունը։
«Ֆինանսական մասնագիտական բազա ունեցող պարոն Սարգսյանը և իրավաբանական բազա ունեցող պարոն Հարությունյանը․ այսինքն՝ մենք տեսնում ենք, որ մասնագիտական փոփոխության ֆորմատով պետք է հանդես գանք։ Քաղաքական գործիչները պետք է չլինեն միայն պրոֆեսիոնալ քաղաքական գործիչներ, պետք է անցած ճանապարհ ունենան, որպեսզի կարողանան հասկանալ ոլորտները։ Հենց պրոֆեսիոնալիզմի հիմքի վրա էլ մենք ստեղծել ենք մեր միավորման տեսլականը»,- նշեց Կարապետյանը։
Հիշեցնենք՝ դաշինքի վարչապետի թեկնածուն գործարար Սամվել Կարապետյանն է։ Կարապետյանը փաստացի չի կարող վարչապետի թեկնածու լինել, քանի որ մի քանի երկրի քաղաքացի է: Նրա կուսակցությունը օրենսդրական այս արգելքը մտադիր է հաղթահարել ընտրություններում հաղթելու դեպքում Սահմանադրությունը փոխելու միջոցով:
Եվգենյա Համբարձումյան
