31.03.2026 | 14:45
Թվային ուրվականներ․ ինչպես են «խոսում» մահացածները
Առաջին լիարժեք շփումը. Մարկո Ռուբիոն և Իրակլի Կոբախիձեն հեռախոսազրույց են ունեցել
Քաղաքականություն
31.03.2026 | 13:04
ԱՄՆ պետքարտուղար Մարկո Ռուբիոն և Վրաստանի վարչապետ Իրակլի Կոբախիձեն հեռախոսազրույց են ունեցել։ Տեղեկությունը հայտնել է ԱՄՆ Պետքարտուղարությունը, փոխանցում է Эхо Кавказа-ն։
«Կողմերը քննարկել են փոխադարձ հետաքրքրություն ներկայացնող հարցեր, այդ թվում՝ Կովկասում և Սևծովյան տարածաշրջանում անվտանգությունը»,- ասել է Պետքարտուղարության պաշտոնական ներկայացուցիչ Թոմի Պիգոտը։
Կոբախիձեն X սոցցանցում գրել է «արդյունավետ հեռախոսազրույցի» մասին։
«Մենք ընդգծեցինք մեր գործընկերության վերագործարկման և Հարավային Կովկասում Վրաստանի՝ որպես հուսալի գործընկերոջ դերի ամրապնդման կարևորությունը: Վերահաստատել ենք մեր հանձնառությունը Վրաստանի և Միացյալ Նահանգների միջև կապերի ամրապնդմանը, ինչպես նաև տարածաշրջանային կայունության և կապակցվածության խթանմանը»,- նշել է նա։
Այլ մանրամասներ զրույցից չեն հաղորդվում:
Հեռախոսազրույցը, ըստ էության, դարձել է երկու երկրների բարձրաստիճան պաշտոնյաների միջև առաջին լիարժեք շփումը ԱՄՆ նախագահ Դոնալդ Թրամփի վարչակազմի՝ իշխանության գալուց վեր։
Ավելի վաղ Վրաստան էր այցելել Պետքարտուղարության Եվրոպայի և Եվրասիայի հարցերով բյուրոյի տնօրենի տեղակալի պաշտոնակատար Պիտեր Անդրեոլին։ Նա բանակցություններ էր վարել արտաքին գործերի նախարար Մակա Բոճորիշվիլիի, ընդդիմության ներկայացուցիչների հետ, այցելել Անակլիայի նավահանգստի շինհրապարակ։
Վերջերս Վրաստանի կառավարության պաշտոնյաները մի շարք հանդիպումներ են անցկացրել ԱՄՆ Պետքարտուղարությունում, Ֆինանսների նախարարությունում և Կապիտոլիումում: Նախագահ Միխեիլ Ղավելաշվիլին և արտաքին գործերի նախարար Մակա Բոճորիշվիլին էլ հաղորդել են Մարկո Ռուբիոյի և փոխնախագահ Ջեյ Դի Վենսի հետ կարճատև զրույցների մասին:
Թարգմանությունը՝ Էմմա Չոբանյանի
