10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Իրանի խորհրդարանի հանձնաժողովը հաստատել է Հորմուզի նեղուցով անցնելու վճար սահմանելու ծրագիրը
Քաղաքականություն
31.03.2026 | 10:56
Իրանի խորհրդարանական հանձնաժողովը հաստատել է Հորմուզի նեղուցում երթևեկության համար վճար սահմանելու ծրագրերը, հայտնում է Իսլամական հեղափոխության պահապանների կորպուսի (ԻՀՊԿ) հետ կապված Fars լրատվական գործակալությունը, գրում է BBC-ն։
Նշվում է, որ ազգային անվտանգության հանձնաժողովի անդամը հաստատել է ծրագրի ընդունումը, որի համաձայն՝ ԱՄՆ-ի և Իսրայելի նավերին կարգելվի նեղուցով տեղաշարժվել։ Ըստ ծրագրի՝ Իրանի դեմ պատժամիջոցներին մասնակցած այլ երկրների նույնպես կարգելվի մուտք գործել նեղուց։
AFP-ն հաղորդել է, որ նոր վճարային համակարգի մասին հայտարարվել է Իրանի պետական հեռուստատեսությամբ, Իրանն այն կյանքի կկոչի Օմանի հետ համագործակցությամբ։ Ծրագիրը ներառում է նաև «ֆինանսական պայմանավորվածություններ և ռիալով վճարային համակարգ», ինչպես նաև «Իրանի ինքնիշխան դերի իրականացում»։
Իրանի դեմ ԱՄՆ-ի և Իսրայելի պատերազմի սկսվելուց ի վեր Թեհրանը խոչընդունում է նեղուցով ծովային տարանցումն այն նավերի համար, որոնք, ըստ նրա, կապված են իր պատերազմական հակառակորդների և նրանց դաշնակիցների հետ։
Աշխարհի հում նավթի շուրջ 20%-ը սովորաբար անցնում է Իրանի և Օմանի միջև այս կարևոր նավագնացության երթուղով։ Այնուամենայնիվ, ըստ Kpler ծովային հետախուզական ընկերության, պատերազմի սկզբից ի վեր այս երթուղով անցումների թիվը նվազել է շուրջ 95 տոկոսով։
Թարգմանությունը՝ Էմմա Չոբանյանի
