06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ինչո՞ւ երկու շաբաթ քաղաքապետարանի գործակարգավարական խորհրդակցություն տեղի չի ունենում
Քաղաքականություն
30.03.2026 | 20:24
Արդեն երկու շաբաթ է՝ Երևանի քաղաքապետարանի գործակարգավարական խորհրդակցությունը չի անցկացվում։ Սովորաբար այն տեղի է ունենում յուրաքանչյուր երկուշաբթի՝ 09։30-ին։
«Գործակարգավարական խորհրդակցությունները ներքին աշխատանքային քննարկումներ են, կարող են լինել ամիսը մեկ անգամ կամ շաբաթը երկու անգամ»,- Factor TV-ի հարցին ի պատասխան հայտնեցին քաղաքապետարանի լրատվության վարչությունից։
Ուշագրավ է, սակայն, որ Երևանի քաղաքապետի 2017 թվականի որոշման համաձայն՝ Երևանի քաղաքապետարանում յուրաքանչյուր շաբաթվա երկուշաբթի օրը՝ Երևանի քաղաքապետարանի վարչական շենքի 5-րդ հարկի նիստերի դահլիճում, անցկացվում է գործակարգավարական խորհրդակցություն, որը վարում է Երևանի քաղաքապետը, իսկ վերջինիս բացակայության դեպքում՝ Երևանի քաղաքապետի առաջին տեղակալը: Ի դեպ, այս որոշումը, ըստ իրավական տեղեկատվական համակարգի, դեռ գործում է։
Արփի Հակոբյան
