27.07.2026 | 21:00
ՔՆՆԱՐԿՈւՄ․ Զբոսաշրջիկների ռեկորդային հոսք ՀՀ 6 ամսում․ ի՞նչ խնդիրներ և առավելություններ են ի հայտ եկել․ ՏԵՍԱՆՅՈՒԹ
Իսրայելը հարվածել է Թեհրանում ԻՀՊԿ-ի հետ կապված համալսարանին
Քաղաքականություն
30.03.2026 | 18:19
Իսրայելի բանակը հայտարարում է, որ վերջին օրերին հարվածներ է հասցրել Թեհրանի կենտրոնում գտնվող Իմամ Հոսեյնի համալսարանի տարածքում տեղակայված Իսլամական հեղափոխության պահապանների կորպուսի ռազմական օբյեկտին, գրում է The Times of Israel-ը։
Ըստ զինվորականների՝ համալսարանը, որը նկարագրվում է որպես «ԻՀՊԿ կենտրոնական ռազմական ենթակառուցվածքներից մեկը», ենթադրաբար, օգտագործվել է քաղաքացիական քողի տակ զենքի հետազոտությունների և մշակման, այդ թվում՝ բալիստիկ հրթիռների և այլ առաջադեմ հնարավորությունների հետ կապված աշխատանքների համար։
Իսրայելական բանակը հայտնում է, որ հարվածը հասցվել է տարածքի մի քանի հիմնական բաղադրիչների, այդ թվում՝ բալիստիկ հրթիռների փորձարկման համար օգտագործվող ստորգետնյա աերոդինամիկ թունելների, քիմիական զենքի հետազոտություններով զբաղվող քիմիական կենտրոնի և զենքի մշակման հետ կապված կենտրոնական ինժեներական համալիրի։
Նախորդ հարվածների ժամանակ նույնպես թիրախավորվել է այս վայրը՝ նշելով, որ համալսարանի անմիջական կապը ԻՀՊԿ-ի հետ և նրա դերը ռազմական կարողությունների զարգացման գործում այն դարձնում են օրինական թիրախ։ Ըստ իսրայելական կողմի՝ հարվածները նպատակ ունեին զգալիորեն խաթարել Իրանի զենքի արտադրության և մշակման կարողությունները։
Թարգմանությունը՝ Էմմա Չոբանյանի
