04.08.2026 | 15:37
Բայրամովը հայտարարել է, հայ-ադրբեջանական հարաբերությունների կարգավորման գործընթացում լրացուցիչ առաջընթաց է սպասվում
Իրանի ԱԳ նախարարը հայերենով շնորհակալություն է հայտնել Հայաստանին մարդասիրական օգնության համար
Քաղաքականություն
30.03.2026 | 10:00
Իրանի արտաքին գործերի նախարար Սեյեդ Աբբաս Արաղչին X-ի իր միկրոբլոգում հայերեն գրառում է կատարել՝ շնորհակալություն հայտնելով ՀՀ կառավարությանը իրանցիների տեղափոխման և մարդասիրական օգնության հարցերում։
«ՀՀ կառավարության և ժողովրդի աջակցությունը Իրանի ժողովրդին` իրանցիների տեղափոխման և մարդասիրական օգնության հարցերում, մեծ գնահատանքի է արժանի։ Իրանի և Հայաստանի դարավոր կապը դժվար պահին կրկին ցույց տվեց իր ամրությունը, և եղբայրական այս քայլերը կմնան Իրանի ժողովրդի հիշողության մեջ»,- գրել է նախարարը։
Հիշեցնենք, որ նախօրեին ՀՀ ԱԳ նախարար Արարատ Միրզոյանը հրաժարվել էր հրապարակայնորեն խոսել Իրան ուղարկված մարդասիրական օգնության մասին։
Նշենք, որ մի քանի օր առաջ ևս Արաղչին շնորհակալություն էր հայտնել Հայաստանին ու Իրանի մի քանի այլ հարևաններին մարդասիրական ոլորտներում համագործակցության համար։
