Քաղաքականություն
29.03.2026 | 16:09Իրանի ԱԳ նախարարի հետ հեռախոսազրույցի հետ կապված բոլոր հրապարակվելիք մանրամասները հրապարակված են և արտացոլված են Արտաքին գործերի նախարարության մամուլի հաղորդագրության մեջ։ Այս մասին լրագրողների հետ զրույցում նշեց ԱԳ նախարար Արարատ Միզրոյանը՝ չցանկանալով մանրամասներ հայտնել։
«Մենք մշտապես և՛ հրապարակավ ենք ասել, և՛ Իրանի մեր գործընկերներին, և՛ մեր մյուս գործընկերներին, որ ցանկանում ենք օր առաջ տեսնել Մերձավոր Արևելքում ապաէսկալացիա և ռազմական գործողությունների դադարեցում։ Մենք, իհարկե, ցավ ենք ապրում այդ բարեկամ ժողովուրդների և քաղաքացիական անձանց շրջանում զոհերի և ենթակառուցվածքների ավերածությունների և առհասարակ ռազմական գործողությունների համար, և ուզում ենք օր առաջ տեսնել դրանց ավարտը։ Բոլոր գործընկերներին ասել ենք, որ եթե Հայաստանը որևէ կերպ կարող է նպաստել դա րոպե առաջ իրականություն դարձնելուն, ապա մենք պատրաստ ենք, և կարող են հենվել մեզ վրա»,- նշեց Միրզոյանը։
Նախարարը չցանկացավ խոսել նաև Իրանին հումանիտար օգնություն ուղարկելու մասին։
«Դուք հիշում եք, չէ՞, առաջին անգամ էլ մենք այդպես չբարձրաձայնեցինք, նույնիսկ օգնություն ուղարկելուց հետո էլ չհայտարարեցինք, բայց հետո հանգամանքները ստիպեցին, պարզվեց, որ, այո՛, ուղարկել ենք։ Թույլ տվեք այս անգամ էլ այդպես հրապարակային բաներ չասենք»,- ասաց նա։
Մանրամասները՝ տեսանյութում։
