03.08.2026 | 18:52
Դավիթ Համբարյանը նշանակվել է ՀՀ ԱԺ աշխատակազմի ղեկավար-գլխավոր քարտուղար
0% կանխավճար և նոր հնարավորություններ․ Ամերիաբանկի առաջարկները` TOON EXPO-ում․ ՏԵՍԱՆՅՈւԹ
Տեսանյութեր
28.03.2026 | 17:51
Անշարժ գույք փնտրողներից մինչև ներդրողներ՝ բոլորն այս օրերին մեկ վայրում են՝ Մերիդիան էքսպո կենտրոնում։ «TOON EXPO»-ն համախմբել է ոլորտի ավելի քան 150 ընկերությունների: Արդեն 3-րդ տարին անընդմեջ «Ամերիաբանկ»-ը մասն է այս իրադարձության` իր հիփոթեքային ճկուն հնարավորություններով, թվային լուծումներով, այս անգամ՝ նաև բացառիկ ու սահմանափակ առաջարկով։
«Էքսպոյի մասնակից հաճախորդները ունեն հնարավորություն ձեռք բերել անշարժ գույք մեզ հետ համագործակցող կառուցապատողներից 0% կանխավճարով։ Սա իրական բացառիկ հնարավորություն է՝ առանց որևիցե նախավճար իրականացնելու ձեռք բերել ձեր երազանքի բնակարանը, անշարժ գույքը»,- ասում է «Ամերիաբանկ»-ի հիփոթեքային վարկավորման պրոդուկտային թիմի ղեկավար Լիանա Աղայանը։
«Ամերիաբանկ»-ը հաճախորդներին առաջարկում է նաև ընտրել հիփոթեքային վարկի տոկոսադրույքը․ 12,75%, կամ 12,9%՝ 2% քեշբեքի հնարավորությամբ։ Բանկը շարունակում է պահպանել առաջատարի իր դիրքը հիփոթեքային շուկայում՝ շուրջ 23.1% մասնաբաժնով, իսկ վարկային պորտֆելը գերազանցում է 365 միլիարդ դրամը։
Բանկի ներդրումային վարկերի միջոցով ֆիզիկական անձինք կարող են գնել անշարժ կամ շարժական գույք արտերկրում և ստանալ լրացուցիչ եկամուտ: Հայաստանում տուն գնել ցանկացողների համար էլ հատուկ առաջարկների պակաս չկա։
«Արտերկրում բնակվող մեր հայրենակիցները կարող են ձեռք բերել, վերանորոգել և կառուցապատել անշարժ գույք իրենց հայրենիքում՝ ճկուն պայմաններով և պարզեցված գործընթացով»,- ընդգծում է Լիանա Աղայանը։
MyHome թվային հարթակը լավագույն ընկերն է անշարժ գույքի որոնման, գնման, վաճառելու կամ վարձակալելու հարցում: Կարևոր է նշել, որ Վերջին մեկ տարվա ընթացքում հարթակի օգտատերերի թիվն աճել է շուրջ 60 տոկոսով։ MyHome-ի զարգացման կարևոր ուղղություններից մեկը գույքի ձեռքբերման ամբողջական շղթայի ապահովումն է՝ ոչ միայն գնման, այլև հետագա փուլերի համար։ Այդ նպատակով հարթակում ներդրվել է նաև վերանորոգման հաշվիչ, որը թույլ է տալիս օգտատերերին նախապես գնահատել հնարավոր ծախսերը։
«Սա հնարավորություն է ընձեռում կայացնել ֆինանսական ավելի պլանավորված և ավելի հասկացված որոշումներ դեռևս գույքի փնտրման փուլում»,- ասում էր «Ամերիաբանկ»-ի պրոդուկտի իրագործման մենեջեր Տիգրան Գրիգորյանը։
Բացի այդ, հարթակի օգտատերերը կարող են օգտվել մինչև 40% զեղչից շուրջ 60 գործընկեր խանութների կողմից:
«Անհրաժեշտ է միայն գրանցվել MyHome-ում, ստանալ պրոմո կոդը, ներկայացնել այն գործընկեր կազմակերպությանը»,- նշում է «Ամերիաբանկ»-ի պրոդուկտի իրագործման մենեջերը։
TOON EXPO-ն այս տարի ավելի մասշտաբային է, ներդրումային շեշտադրմամբ։ Շատ են նաև ցուցահանդեսին մասնակից միջազգային ընկերությունները։
Ցուցահանդեսը տարիների ընթացքում դարձել է կարևոր հարթակ անշարժ գույքի շուկայի համար․ նախորդ 5 ցուցահանդեսների ընթացքում իրականացվել է ավելի քան 750 միլիոն ԱՄՆ դոլարի գործարք։
Դե ինչ, մեծ երազանքներն իրագործելու համար շտապեք Մերիդիան էքսպո կենտրոն մինչև մարտի 29-ը ներառյալ:
Մանրամասները՝ տեսանյութում։
Արփի Հակոբյան
