26.10.2026 | 12:20
Արփինե Սարգսյանի ճեպազրույցը՝ ՈՒՂԻՂ
ԲՏԱ նախարարը հանդիպել է ամերիկյան Synopsys-ի ներկայացուցիչների հետ
Տնտեսություն
28.03.2026 | 11:56
Բարձր տեխնոլոգիական արդյունաբերության նախարար Մխիթար Հայրապետյանը գրառմամբ տեղեկացրել է, որ հանդիպել է ամերիկյան Synopsys ընկերության ճարտարագիտական գերազանցության խմբի ավագ փոխնախագահ Ռաջա Թաբեթին։
«Հանդիպման ընթացքում վերահաստատել եմ ՀՀ կառավարության և Synopsys-ի միջև ձևավորված վստահելի գործընկերային հարաբերությունները։ Նման վերազգային ընկերության երկարաժամկետ ներկայությունը մեր երկրում ստեղծում է բացառիկ արժեք։ Այն ոչ միայն նպաստում է տեխնոլոգիական էկոհամակարգի կայացմանը, այլև զգալի ազդեցություն ունի կիսահաղորդչային արդյունաբերության և արհեստական բանականությամբ պայմանավորված չիպերի նախագծման զարգացման վրա։
Ներկայացրել եմ նաև մեր տեխնոլոգիական տեսլականը, որտեղ առանցքային նշանակություն ունեն Firebird և Eleveight AI նախագծերը, որոնք հնարավորություն են տալիս ստեղծել բարձր հզորությամբ հաշվարկային ենթակառուցվածքներ և ձևավորել «ԱԲ գործարանների պարտեզ», որը կդառնա գրավիչ միջավայր թե՛ տեղական, թե՛ միջազգային տեխնոլոգիական ընկերությունների համար»,-նշել է նախարարը։
