26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Անկարան հայտնում է, որ փորձում են պարզել՝ ով է տվել Իրանից Ադրբեջանի և Թուրքիայի ուղղությամբ հրթիռներ արձակելու հրամանը
Քաղաքականություն
27.03.2026 | 20:28
Հետաքննություն է անցկացվում՝ պարզելու, թե ով է տվել Իրանից Ադրբեջանի և Թուրքիայի ուղղությամբ հրթիռներ արձակելու հրամանը։ Այս մասին հայտարարել է Թուրքիայի Ազգային Մեծ ժողովի արտաքին հարաբերությունների հանձնաժողովի նախագահ Ֆուատ Օքթայը՝ պատասխանելով ադրբեջանական APA-ի հարցին։
Նա ասել է, թե այդ հարձակումները ոչ մի կերպ օգուտ չեն բերում Իրանին։
«Մենք հաճախակի քննարկում ենք այս հարցն Ադրբեջանի հետ։ Իրանի կողմից Ադրբեջանի և Թուրքիայի դեմ հրթիռային արձակումները երբեք չպետք է տեղի ունենային։ Ադրբեջանն ու Թուրքիան այն երկրներից են, որոնք ամենաշատն են հայտարարում, որ այս պատերազմն անիմաստ է։ Լրջորեն ուսումնասիրվում է նաև սադրանքի հնարավորությունը, քանի որ Իրանը ոչ մի օգուտ չի ստացել այս երկու երկրների վրա հարձակվելուց։ Մասուդ Փեզեշքիանը նաև նշել է, որ այս հարձակումներն Իրանի կողմից չեն իրականացվել։ Հայտնի է, որ հրթիռն արձակվել է Իրանի տարածքից, և հնարավոր է, որ իրանցի է սեղմել կոճակը։ Սակայն ամենակարևորը պարզելն է, թե ով է տվել այդ կոճակը սեղմելու հրամանը»,- հավելել է թուրք պաշտոնյան։
Թարգմանությունը՝ Էմմա Չոբանյանի
