03.08.2026 | 23:14
Արմավիր քաղաքի ռեստորաններից մեկի մոտակայքում ավտոմեքենա է այրվել
Հորդորում եմ Ռոբերտ Քոչարյանին չերկարացնել և 200 մլն դոլարը մուծել բյուջե․ Ռուբինյան․ ՏԵՍԱՆՅՈՒԹ
Քաղաքականություն
26.03.2026 | 15:18
«Արարատը Հայաստանի տարածքում էր մինչև այն կետը, երբ որ Դաշնակցության իշխանության օրոք այն կորսվեց»,- այս մասին ԱԺ-ում հայտարարեց պատգամավոր Ռուբեն Ռուբինյանը։
«1918 թվականին, երբ հիմնադրվեց Առաջին Հանրապետությունը, Արարատը Սուրմալուի գավառի շրջանակներում, ինչպես նաև Կարսը Հայաստանի տարածքում էին։ Երբ որ Դաշնակցությունն ավարտեց իր առաքելությունը, Արարատը և ամբողջ Սուրմալուի գավառը և Կարսը այլևս Հայաստանի տարածքում չէին։ Հետո եկան Դաշնակցության երաշխավորները՝ բոլշևիկները, երաշխավորները և այսօրվա կոալիցիոն գործընկերները Գյումրիում, և մի հատ էլ պեչատը դրեցին Կարսի և Մոսկվայի պայմանագրով։ Եվ սա, սիրելինե՛րս, Դաշնակցության քրոնիկ գործունեությունն է՝ գալ, իրականը դարձնել անիրական ինքնություն ու լացել։ Նույնը կրկնվեց 2023 թվականին Լեռնային Ղարաբաղում»,-նշեց նա։
Նրա խոսքով՝ ընդդիմության ինքնությունը Արարատը չէ, այլ Քոչարյանի 200 միլիոն դոլարն է։
«Վստահ եմ, որ մենք կանենք ճիշտ ընտրություն, իսկ Դաշնակցությանը և «Հայաստան» խմբակցությանը կրկին հորդորում եմ հորդորել Ռոբերտ Քոչարյանին չերկարացնել և այդ 200 միլիոն դոլարը մուծել բյուջե, ոչինչ, թո՛ղ առանց այդ ինքնության մի քիչ դիմանա»,-նշեց Ռուբինյանը։
Մանրամասները՝ տեսանյութում։
