15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Թանկացվում և բարդացվում է ամուսնալուծությունը․ Սրբուհի Գալյանը նոր նախագիծ է ներկայացրել
Հասարակություն
26.03.2026 | 09:40
Հայաստանի կառավարությունը նախատեսում է փոփոխություններ կատարել քաղաքացիական կացության ակտերի գրանցման (ՔԿԱԳ) ոլորտում՝ ծառայությունների որակի բարձրացման և վարչարարության արդյունավետության հիմնավորմամբ։
Փոփոխություններով առաջարկվում է ամուսնալուծության պետական գրանցման համար սահմանել նվազագույնը երկամսյա ժամկետ։ Այն կարող է կրճատվել դիմողների ցանկությամբ՝ լրացուցիչ վճարի դիմաց, սակայն այդ վճարը նախատեսվում է բարձրացնել՝ ընտանիքի պահպանմանը նպաստելու և հապճեպ որոշումները զսպելու նպատակով։
Ըստ պաշտոնական տվյալների՝ 2021-ից մինչև 2025 թվականը գրանցվել է 21 640 ամուսնալուծություն, որոնցից միայն 222-ն են իրականացվել կրճատ ժամկետով։
Նոր կարգավորմամբ ամուսնալուծության համար 210 հազար դրամ պետք է վճարեն, որից 10 հազար դրամը առկա կարգավորմամբ պետական վճարն է, իսկ 200 հազարը՝ օրվա ընտրության համար։
Կառավարության հիմնավորմամբ՝ այս փոփոխությունները նպատակ ունեն ապահովել ծառայությունների ճկունությունը, արդյունավետությունը և ռեսուրսների ճիշտ բաշխումը։
Նախագիծը մշակվել է Արդարադատության նախարարության կողմից։
Նարեկ Կիրակոսյան
