23.03.2026 | 17:44
Սազակա՞ն ա՝ Ծառուկյանն ինչ-որ մանր ու թեթև բաների մեջ մտնի․ ԲՀԿ ղեկավարը՝ Փաշինյանի «չելենջների» մասին․ ՏԵՍԱՆՅՈՒԹ
Երբ կբացվի Հայաստան-Թուրքիա սահմանը՝ ըստ թուրքական աղբյուրի
Քաղաքականություն
23.03.2026 | 14:43
Ադրբեջանի և Հայաստանի միջև խաղաղության համաձայնագրից հետո հայ-թուրքական սահմանի բացման հարցը եղել է օրակարգում, և չնայած երկու երկրներն էլ իրենց մաքսային անցակետերի շենքերը նախապատրաստել են բացման համար, գործընթացը դեռևս ավարտված չէ։ Այս մասին գրում է թուրքական Yesiligdir լրատվամիջոցը։
Ըստ թուրքական աղբյուրի՝ Ալիջանի սահմանային անցակետի բացումը նախատեսվում է հունիսին Հայաստանում կայանալիք խորհրդարանական ընտրություններից առաջ։ Հստակ ամսաթիվ, սակայն, դեռևս հայտարարված չէ։
Նշվում է, որ ՀՀ վարչապետ Նիկոլ Փաշինյանը ցանկանում է, որ սահմանային անցակետը հնարավորինս շուտ բացվի։
Իգդիր Ալիջանի սահմանային անցակետի բացումը, որը Հայաստանի համար դեպի Եվրոպա ամենակարևոր դարպասներից մեկն է, կխթանի տնտեսական գործունեությունը Թուրքիայի արևելյան նահանգներում և կնպաստի ՀՀ տնտեսությանը։
Ընդգծվում է նաև, որ Ադրբեջանի և Հայաստանի միջև համագործակցություն է իրականացվել տարբեր ոլորտներում, առաջին հերթին՝ էներգետիկայի։ Հաշվի առնելով այս բոլոր զարգացումները, ըստ հրապարակման, «անցյալը պետք է թողնել անցյալում, և նույն աշխարհագրությունը կիսող հասարակությունները պետք է որդեգրեն ավելի կառուցողական և խաղաղ մոտեցում»։
Թարգմանությունը՝ Էմմա Չոբանյանի
