24.07.2026 | 15:39
Կասեցվել է Հարթավանի «88» սուպերմարկետում գործող հացի արտադրամասի գործունեությունը
Հարվածել է, մահճակալից գցել ու քարշ տվել․ Երևանում 3-ամյա երեխա է բռնության ենթարկվել
Հասարակություն
19.03.2026 | 13:03
Մարտի 12-ին Մոլդովական փողոց 29/1 հասցեում երեխա է բռնության ենթարկվել։ Shamshyan.com-ը գրում է, որ «շրթունքի վնասվածք, մարմնի և պարանոցի հատվածում կապտուկներ» ախտորոշմամբ շտապօգնության խումբը երեխային տեղափոխել է «Ուիգմոր» բժշկական կենտրոն։
Ըստ նույն աղբյուրի՝ տուժածը Իրաքի քաղաքացի, 3-ամյա տղա է։ Նշվում է, որ նույն օրը՝ ժամը 10:00-ի սահմաններում, 35-ամյա մայրը սենյակում բղավել է երեխայի վրա, այնուհետև մի քանի հարված հասցրել մարմնի տարբեր հատվածներին, ապա գցել մահճակալից և քարշ տվել՝ պատճառելով մարմնական վնասվածքներ։
Քննչական կոմիտեից Factor.am-ին հայտնեցին, որ դեպքի առթիվ անչափահասի նկատմամբ ֆիզիկական ներգործության հատկանիշներով նախաձեռնվել է քրեական վարույթ։
Նշանակվել է դատաբժշկական փորձաքննություն, կատարվում է նախաքննություն
Արփի Հակոբյան
