10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Թրամփի հայտարարությունից հետո նավթի գները նվազել են 100 դոլարից
Քաղաքականություն
10.03.2026 | 12:04
Երեքշաբթի առավոտյան նավթի գները նվազել են 100 դոլարից ցածր մեկ բարելի համար՝ նախորդ օրվա կտրուկ աճից հետո, մտավախությունների ֆոնին, որ Իրանի հետ ԱՄՆ-Իսրայել պատերազմի սրումը կարող է ընդմիշտ խաթարել Հորմուզի նեղուցով մատակարարումները։
ԱՄՆ նախագահ Դոնալդ Թրամփը երկուշաբթի հայտարարել է , որ Իրանում պատերազմը մոտենում է ավարտին՝ խոստանալով ուղեկցել Հորմուզի նեղուցով անցնող լցանավերը և սպառնալով Իրանին ավելի խիստ հարվածներով, «եթե Թեհրանը դիմադրի»։
Brent տեսակի նավթի գինը մարտի 9-ի երեկոյան իջել է մինչև 89,20 դոլար մեկ բարելի համար, մինչդեռ մեկ օր առաջ այն գերազանցել էր 120 դոլարի սահմանագիծը, գրում է DW-ի ռուսական ծառայությունը։
Նավթի գները հետագայում նվազեցնելու համար Թրամփը մտադիր է առնվազն ժամանակավորապես վերացնել նավթի հետ կապված որոշ պատժամիջոցներ, «մինչև իրավիճակը կարգավորվի», ասել է նա Ֆլորիդայում լրագրողների հետ հանդիպմանը։ Նա չի նշել, թե որ երկրներին է ուղղված այս միջոցառումը։
Երեք օր առաջ ԱՄՆ ֆինանսների նախարար Սքոթ Բեսենթը հայտարարել էր, որ Վաշինգտոնը քննարկում է արդեն իսկ լցանավերը բեռնված ռուսական նավթի դեմ պատժամիջոցները մեղմելու հարցը։ Նույն օրը ԱՄՆ-ը 30 օրով չեղարկել է Հնդկաստանի վերամշակման գործարանների կողմից ռուսական նավթ գնելու արգելքը, որպեսզի վառելիքը «կարողանա շարունակել հոսել դեպի համաշխարհային շուկա»։
Թարգմանությունը՝ Էմմա Չոբանյանի
