Մեղադրողը միջնորդեց Սերժ Սարգսյանից, Բարսեղ Բեգլարյանից և մյուս մեղադրյալից բռնագանձել 481 մլն դրամ․ ՏԵՍԱՆՅՈՒԹ

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Դատախազությունը պահանջում  է  Հայաստանի 3-րդ նախագահ Սերժ Սարգսյանին «Ֆլեշ» ընկերության սեփականատեր Բարսեղ Բեգլարյանին և Գյուղատնտեսության նախարարության նախկին աշխատակից Գևորգ Հարությունյանին դիզվառելիքի գործով ճանաչել գույքային պատասխանող և նրանցից համապարտության կարգով հօգուտ պետության բռնագանձել նրանց վերագրվող ենթադրյալ հանցագործությամբ պատճառված վնասը՝ 481 մլն դրամ։

Այսօրվա դատական նիստին մեղադրյալներին գույքային պատասխանող ճանաչելու միջնորդությամբ հսնդես եկավ հանրային մեղադրող Արմեն Մուրադյանը։

Հիշեցնենք, որ այս գործը  դատարան է  ուղարկվել դեռևս 2020 թվականին։ Քննության արդյունքում մեղադրյալներն առաջին ատյանի դատարանում արդարացվել էին, ապա Վերաքննիչ հակակոռուպցիոն դատարանը բեկանել էր  արդարացման դատական ակտը ու գործն ուղարկել առաջին ատյանի դատարան՝ նոր քննության։

Ի սկզբանե գործով 5 մեղադրյալ էր անցնում՝ այսօր մեղադրյալի կարգավիճակ ունեցող անձինք, Գյուղատնտեսության նախկին նախարար Սերգե Կարապետյանն ու նախարարության աշխատակից Սամվել Գալստյանը, սակայն, գործի քննության ընթացքում մահացել են։

Մեղադրյալներից  չորսին՝ Սերժ Սարգսյանին, «Ֆլեշ» ընկերության նախկին սեփականատեր Բարսեղ Բեգլարյանին, գյուղատնտեսության նախկին փոխնախարար Սամվել Գալստյանին և նույն նախարարության Բուսաբուծության վարչության պետ Գևորգ Հարությունյանին մեղադրանք էր առաջադրվել Քրեական օրենսգրքի 38-179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը կազմակերպելը, դրդելը, օժանդակելը), իսկ գյուղատնտեսության նախկին նախարար Սերգո Կարապետյանին՝ 179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը)։

Սամվել Գալստյանի ու Սերգո Կարապետյանի նկատմամբ մահվան հիմքով  քրեական հետապնդումը դադարեցվել է։ Իսկ Սերժ Սարգսյանին, Բարսեղ Բեգլարյանին և Գևորգ Հարությունյանին դատարանն արդարացրել է հանցակազմի բացակայության հիմքով։

Արդարացման դատական ակտի դեմ վերաքննիչ բողոք է ներկայացվել, և քանի որ բողոքը ներկայացնելու պահին արդեն գործում էր Հակակոռուպցիոն դատարանը, գործը քննել են Հակակոռուպցիոն վերաքննիչ դատարանի դատավորներ Մեսրոպ Մակյանը, Անի Մարտիրոսյանը և Կարեն Ամիրյանը։ Քննության արդյունքում Սարգսյանի և մյուսների արդարացման դատական ակտը բեկանվել է և գործն ուղարկվել առաջին ատյանի դատարան՝ նոր քննության։ Վերաքննիչ դատարանը գտել է, որ գործի նոր քննության ընթացքում առաջին ատյանի դատարանը պետք է պատշաճ քննության առարկա դարձնի գործում առկա ապացույցները, միջոցներ ձեռնարկի թերի դատական քննությունը լրացնելու ուղղությամբ և դրա արդյունքում միայն հանգի համապատասխան հետևության՝ գործով անցնող մեղադրյալներ Սերգո Կարապետյանի և Սամվել Գալստյանի, ամբաստանյալներ Սերժ Սարգսյանի, Բարսեղ Բեգլարյանի և Գևորգ Հարությունյանի կողմից կատարված ենթադրյալ արարքներին տրված իրավական գնահատականների առումով, իսկ դրա արդյունքում՝ նաև հիշյալ անձանց արարքներում հանցակազմի առկայության կամ բացակայության հարցերին։

Այսինքն՝ դատարանը սահմանել է գործի նոր քննության ծավալը։ Որոշումը, սակայն, ստորագրել են դատական կազմի երկու դատավոր՝ Մեսրոպ Մակյանն ու Կարեն Ամիրյանը։ Կազմի երրորդ դատավոր Անի Մարտիրոսյանը հատուկ կարծիք է ներկայացրել այն մասին, որ առաջին ատյանի դատարանի արդարացման դատական ակտը պետք է մնա անփոփոխ։

Արաքս Մամուլյան