10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Կալանավորված Սամվել Մայրապետյանին դեռևս չեն թույլատրում տեսակցել իր հարազատներին․ կիրառված արգելքը պահպանվում է
Հասարակություն
16.11.2018 | 12:16
Կալանավորված Սամվել Մայրապետյանին դեռևս թույլ չեն տալիս տեսակցել իր հարազատներին․ կիրառված արգելքը պահպանվում է։ Այս մասին Factor.am-ի հետ զրույցում ասաց Սամվել Մայրապետյանի պաշտպան Ալեքսանդր Սիրունյանը:
«Հարազատներին տեսակցելու արգելքն ինչպես որ կար, այդպես էլ շարունակում է պահպանվել։ Սպասում ենք Սամվել Մայրապետյանի գործի քննության արդյունքներին, իսկ մինչ այդ Մայրապետյանի առողջական վիճակը շարունակում է մնալ ծանր։ Ժամանակ առ ժամանակ նրան տեղափոխում ենք քաղաքացիական հիվանդանոց, ստանում է անհրաժեշտ բուժօգնություն, այնուհետև վերադառնում է կալանավայր»,- ասաց պաշտպանը։
Ալեքսանդր Սիրունյանից հետաքրքրվեցինք՝ արդյոք այս գործի շրջանակներում նոր զարգացում կա՞ գործարար Սիլվա Համբարձումյանի հետ կապված՝ նախկինում կատարված առերեսումից բացի։ «Նախկինում մեկ անգամ առեսերում է եղել, դա է, նոր բան չկա, չի հարցաքննվել»,- ասաց պաշտպանը։
Հիշեցնենք, որ Սամվել Մայրապետյանին մեղադրանք է առաջադրվել ՀՀ ՔՕ-ի 38-311 հոդվածով՝ կաշառքի օժանդակություն։
Իրեն առաջադրված մեղադրանքը Մայրապետյանը չի ընդունել։
Նշենք, որ Հատուկ քննչական ծառայությունը Սամվել Մայրապետյանին ձերբակալել էր հոկտեմբերի 6-ին:
