30.09.2026 | 15:51
ՌԴ իշխանությունները ծրագրել են Գարի Կասպարովի և Իլյա Պոնոմարյովի սպանությունն ԱՄՆ-ում․ El Mundo
Վանիկ Օհանյանը՝ ԱԺ առողջապահության հարցերի մշտական հանձնաժողովի նախագահ
Հասարակություն
04.03.2026 | 13:39
Ազգային ժողովն առողջապահության հարցերի մշտական հանձնաժողովի նախագահի պաշտոնում ընտրեց Վանիկ Օհանյանին: 107 պատգամավորներից քվեարկությանը մասնակցեց 64-ը, բոլորը կողմ էին նրա թեկնածությանը։
Ավելի վաղ Վանիկ Օհանյանը շնորհակալություն էր հայտնել գործընկերներին պաշտոնում իր թեկնածությունն առաջադրելու համար և նշեց. «Ուզում եմ հատուկ ընդգծել, որ առաջադրումը ես ընկալում եմ որպես մեծ պատասխանատվություն մեր երկրի առողջապահական համակարգի կայուն զարգացման, յուրաքանչյուր քաղաքացու առողջության պաշտպանության և ոլորտի ամրապնդման համար»:
Թեկնածուն անդրադարձել էր ոլորտի խնդիրներին և անելիքներին՝ ուղղված առողջապահության համակարգի զարգացման իր պատկերացումներին, ներկայում իրականացվող գործընթացներին:
«Ուզում եմ շեշտել, որ համակարգի ներդրումը հստակ քաղաքական կամքի թելադրանք է, ոչ թե կարգախոս, որը նաև եղել է մեր նախընտրական ծրագրի առաջնային, կարևորագույն և հայեցակարգային կետերից մեկը»,- ընդգծել էր թեկնածուն:
Նրա խոսքով՝ այսօր անհրաժեշտ չէ, որ քաղաքացին վաճառի իր ամբողջ գույքը՝ բուժում ստանալու համար, քանի որ պետությունը կանգնած է նրա կողքին: Վանիկ Օհանյանը պատասխանել է նաև պատգամավորների հարցերին, որոնք վերաբերել են առողջապահության ոլորտում առկա խնդիրներին, բուժաշխատողների ծանրաբեռնվածությանն ու չհաշվարկված կամ ցածր աշխատավարձերին, որոշ համայնքներից դուրս գտնվող դիահերձարաններին, Վարդենիս քաղաքում հիվանդանոցի կառուցման ժամկետին, Առողջության համընդհանուր ապահովագրության համակարգում հնարավոր չարաշահումներին եւ այլն:
