Թող Նարեկ Կարապետյանն ուժեղ ձևով ասի՝ նպատակ ունեն ՀՀ-ն ծառայեցնել այլ երկրի․ ինչո՞ւ են փոխում Սահմանադրության այդ կետը․ Սոնա Ղազարյան․ ՏԵՍԱՆՅՈՒԹ

Լուրեր

22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
Բոլորը

Ազգային ժողովի «Քաղաքացիական պայմանագիր» խմբակցության պատգամավոր Սոնա Ղազարյանը Factor TV-ի հետ զրույցում անդրադարձել է առաջիկա խորհրդարանական ընտրությունների շուրջ ձևավորված քաղաքական մթնոլորտին, մասնավորապես՝ արտաքին ուժերի ազդեցության և ֆինանսական աջակցության վերաբերյալ մեղադրանքներին։ Նա պնդել է, որ Եվրամիության աջակցությունը Հայաստանին երկար տարիների պատմություն ունի և ուղղված է ոչ թե կոնկրետ քաղաքական ուժի, այլ ողջ երկրի ժողովրդավարական գործընթացներին։

Ի պատասխան լրագրողի հարցին, թե արդյոք Եվրամիության կողմից նախընտրական փուլում 200 միլիոն եվրոյի տրամադրումը և 20 մասնագետների ուղարկումը հիբրիդային պատերազմի դեմ պայքարելու նպատակով միջամտություն չէ, Ղազարյանը նշել է. «Եվրամիության հետ սերտ համագործակցությունը ունի երկար տարիների պատմություն, և գիտեք, որ տարբեր փաթեթներով ու ծրագրերի շրջանակներում մենք Եվրամիությունից շարունակաբար աջակցություն ենք ստացել։ Այս գումարը, որն ուղղվում է Հայաստանին ի աջակցություն հիբրիդային պատերազմի դեմ, ես կարծում եմ, որ սրա շահառուն ամբողջ քաղաքական դաշտն է, ոչ միայն մենք»։

Նրա խոսքով՝ ԵՄ մասնագետները կարող են օգնել նաև ընդդիմությանը՝ պայքարելու իրենց դեմ ուղղված հիբրիդային հարձակումների դեմ։ Ղազարյանը շեշտել է, որ այս աջակցության նպատակն է պաշտպանել ժողովրդավարությունը և Հայաստանի քաղաքացիներին ապատեղեկատվությունից։

Անդրադառնալով այն հարցին, թե Հայաստանում ընթանում է աշխարհաքաղաքական պայքար Ռուսաստանի և Արևմուտքի միջև, Ղազարյանը հակադարձել է. «Ինչո՞ւ է քաղաքացու մոտ ընկալում, որ, օրինակ, «Հայաստան» դաշինքը և «Պատիվ ունեմ» խմբակցությունը՝ եկեք լավ էլի կասենք՝ Քոչարյանն ու Սերժը, պաշտպանում են ոչ Հայաստանի շահը և հաճախ խորհրդարանում հանդես են գալիս որպես Ռուսաստանի խոսափող։ Ինչո՞ւ է այնպես տեղի ունեցել, որ Զախարովայի և, օրինակ, Քրիստինե Վարդանյանի խոսույթները իդենտիկ են, նույնական են։ Որովհետև մի քանի դրվագով, երբ որ Հայաստանի Հանրապետության տարածքային ամբողջականությանը, որն այսպես դաշնակցությունը կամ Աննա Գրիգորյանը կամ Արծվիկ Մինասյանը դոշ տալով պաշտպանում են, և մեր տարածքային ամբողջականությունը վտանգված է եղել, նրանք միահամուռ կրկնել են Ռուսաստանից հնչող մեկնաբանությունները»։

Պատգամավորի խոսքով, ի տարբերություն ընդդիմության, գործող իշխանությունը կայացնում է իր որոշումները՝ կենտրոնում պահելով բացառապես Հայաստանի շահը։ «Մենք մեր ցանկացած որոշման կենտրոնում պահում ենք Հայաստանը։ Եվ մենք ուժեղ ենք դա անելիս, որովհետև չունենք կապիտալ կուտակած այլ երկրում։ Թույլ է այն քաղաքական միավորը, որն իր կապիտալը կուտակել է այլ երկրում և այսպիսով կախվածության մեջ է ընկել այդ երկրի ղեկավարությունից»։

Ի պատասխան այն դիտարկման, թե իշխանությունը չի կարողացել օլիգարխներին և նրանց «սև փողերը» դուրս բերել քաղաքականությունից, Ղազարյանը պնդել է, որ հակակոռուպցիոն պայքարը տալիս է իր արդյունքները։ «Մենք ստեղծել ենք հակակոռուպցիոն դատարաններ։ Հայաստանի Հանրապետությունը ԵՄ երկրների համար օրինակ է, թե ինչպիսի հակակոռուպցիոն մեխանիզմներ պետք է ունենա երկիրը։ Մենք ունենք դատարանում քննվող տասնյակ գործեր։ Դեռևս օրենքը Սահմանադրական դատարանում վիճարկվում էր, մենք ունենք հաշտության դեպքեր, երբ որ Հայաստանին վերադարձվեց իսկապես ապօրինի ծագում ունեցող գույք»։

Նա նաև հիշեցրեց, որ հենց ընդդիմադիր խմբակցություններն են փորձել վիճարկել ապօրինի գույքի բռնագանձման օրենքը Սահմանադրական դատարանում։

Պատգամավորը վստահություն հայտնեց, որ իշխանափոխության ապօրինի փորձերը չեն հաջողվի։ «Մեզ կարող է փոխել ժողովուրդը։ Ես վստահ եմ, որ որևէ ապօրինի միջոց չի կարող տեղի ունենալ։ Ժողովուրդը տեր է կանգնելու իր քվեին։ Եվ Հայաստանի Հանրապետության ժողովուրդը չի թույլ տալու, որպեսզի իրեն զրկեն ընտրելու իրավունքից»։

Հարցազրույցն ամբողջությամբ՝ տեսանյութում։

Ռոբերտ Անանյան