18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՀՔԾ պետ Սասուն Խաչատրյանն ու Մարտի 1-ի գործով քննչական խմբի ղեկավարը առաջիկայում հարցաքննվելու են
Հասարակություն
13.11.2018 | 16:58
Ազգային ժողովի խորհրդի փակ նիստում երկարացվել է ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի գաղտնալսման գործով ստեղծված ԱԺ քննիչ հանձնաժողովի գործունեության ժամկետը: Այս մասին մեզ հետ զրույցում ասաց քննիչ հանձնաժողովի նախագահ Գևորգ Կոստանյանը:
Քննիչ հանձնաժողովի լիազորությունները երկարացվել են մինչև 7-րդ գումարման ԱԺ-ի ձևավորումը: Սակայն, նշենք, որ լիազորությունների երկարացումն այնքնան էլ արդյունավետ չի լինելու, քանի որ նոյեմբերի 26-ից սկսվում է քարոզարշավը և հանձնաժողովի կազմի մեծ մասը առաջադրվել է որպես պատգամավորի թեկնածու:
Մեր տեղեկություններով՝ Գևորգ Կոստանյանը, այնուհանդերձ, որոշել է 2-3 օրից կրկին հանձնաժողովի նիստ հրավիրել:
Տեղեկացանք, որ գաղտնի նիստում հարցաքննության են հրավիրվելու Հատուկ քննչական ծառայության պետ Սասուն Խաչատրյանը և Մարտի 1-ի գործով քննչական խմբի ներկայիս ղեկավարը, որի անունը գաղտնի է պահվում:
Հիշեցնենք, որ այս հանձնաժողովը ստեղծվել է 2018 թվականի սեպտեմբերի 13-ին: Այս ամիսների ընթացքում հարցաքննության հարավիրվել է միայն Ռոբերտ Քոչարյանին կալանք տված դատավոր Վաչե Մարգարյանը:
Հայկ Վարդանյան
