30.09.2026 | 17:04
Երևանում բացվեց «Յուվենտուսի» ֆուտբոլային ակադեմիան. ԼՈՒՍԱՆԿԱՐՆԵՐ
Ուկրաինայի պարալիմպիկ հավաքականը կբոյկոտի Խաղերի բացումը Ռուսաստանի դրոշի պատճառով
20.02.2026 | 15:50
Ուկրաինայի Ազգային պարալիմպիկ կոմիտեն հայտարարել է, որ ուկրաինական պատվիրակությունն ու պարալիմպիկ մարզիկները չեն մասնակցի մարտի 6-ին կայանալիք Ձմեռային պարալիմպիկ խաղերի բացման արարողությանը: Կոմիտեն իր որոշումը բացատրել է Ռուսաստանի և Բելառուսի կողմից պարալիմպիկ խաղերում իրենց ազգային խորհրդանիշները՝ դրոշներն ու օրհներգերը օգտագործելու թույլտվության դեմ բողոքով, գրում է BBC-ի ռուսական ծառայությունը։
«Ուկրաինայի ազգային պարալիմպիկ կոմիտեն ցանկանում է նշել, որ այս որոշումը զուտ քաղաքական բնույթ ունի և Ռուսաստանին հնարավորություն է տալիս ցուցադրել իր քաղաքական ատրիբուտները 2026 թվականի պարալիմպիկ խաղերում, ինչպիսիք են դրոշը և օրհներգը»,- ասվում է հայտարարության մեջ։
Ուկրաինայի ազգային պարալիմպիկ կոմիտեի ղեկավար Վալերի Սուշկևիչը երեկ հայտարարել էր, որ ուկրաինացի պարալիմպիկ մարզիկները կմասնակցեն մրցումներին ըստ նախատեսվածի։
Ավելի վաղ Ռուսաստանի և Բելառուսի պարալիմպիկ մարզիկների նկատմամբ նույն արգելքն էր տարածվում, ինչ Օլիմպիական խաղերի դեպքում։ Սակայն 2025 թվականի սեպտեմբերին պարալիմպիկ մարզիկների համար այս արգելքը վերացվեց։
Ուկրաինան բողոքարկել է՝ հայտարարելով, որ իր մարզական պատվիրակությունը չի մասնակցի Պարալիմպիկ խաղերի բացման արարողությանը և կոչ անելով մյուս երկրներին՝ միանալ բոյկոտին։
ԵՄ սպորտի հարցերով նախարարը հայտարարել է բացման արարողությանը մասնակցելուց հրաժարվելու մասին, մինչդեռ Խաղերի հյուրընկալող երկիրը՝ Իտալիան, կոչ է արել Միջազգային պարալիմպիկ կոմիտեին վերանայել Ռուսաստանի և Բելառուսի ազգային խորհրդանիշների օգտագործման արգելքը վերացնելու իր որոշումը։
Ռուսաստանը 2026 թվականի Պարալիմպիկ խաղերում կներկայացնի վեց մարզիկ (2018 թվականի 30-ի համեմատ), իսկ Բելառուսը՝ չորս մարզիկ։
Թարգմանությունը՝ Էմմա Չոբանյանի
