02.07.2026 | 14:13
8 տարի «ավտոմատը ձեռքիս առաջնագծում» կանգնած եմ եղել. Ալեն Սիմոնյան. ՏԵՍԱՆՅՈՒԹ
Հայաստանում Եվրամիության դիտորդական առաքելությունը նոր ղեկավար ունի
Քաղաքականություն
17.02.2026 | 21:56
ԵՄ Խորհուրդը ՀՀ-ում ԵՄ դիտորդական առաքելության ղեկավար է նշանակել Սատու Կոյվուին։ Նա փետրվարի 20-ից կփոխարինի Մարկուս Ռիտերին։
Սատու Կոիվուն ֆինն ավագ ոստիկան է՝ ավելի քան 35 տարվա փորձառությամբ։ Նա ղեկավար պաշտոններ է զբաղեցրել ՄԱԿ-ի և ԵՄ առաքելություններում պաղեստինյան տարածքներում, Ռուանդայում, Նամիբիայում և Կիպրոսում։ Մինչ ԵՄ քաղաքացիական առաքելության (EUMA) ղեկավար նշանակվելը, նա ծառայել է Ֆինլանդիայի Ազգային ոստիկանության վարչությունում՝ որպես մարդկային ռեսուրսների ղեկավար։
Նրա նշանակման որոշումն ընդունվել է ԵՄ Քաղաքական և անվտանգության կոմիտեի կողմից 2026 թվականի փետրվարի 17-ին։
Քաղաքացիական առաքելությունը (EUMA) ԵՄ ջանքերի կարևոր բաղադրիչն է՝ ուղղված Հարավային Կովկասի տարածաշրջանում խաղաղության և կայունության աջակցմանը։ Առաքելության մանդատն է դիտարկել և զեկուցել տեղում ստեղծված իրավիճակի մասին՝ Հայաստան-Ադրբեջան սահմանագծի հայկական կողմում, ինչպես նաև նպաստել այդ տարածքներում մարդկային անվտանգության ամրապնդմանը։ EUMA-ի գործող մանդատը նախատեսված է մինչև 2027 թվականի փետրվարի 19-ը։
Առաքելությունն ունի ավելի քան 200 միջազգային և տեղական աշխատակից։ EUMA-ի դիտորդներն ու քաղաքացիական փորձագետները ներկայացնում են ԵՄ 25 անդամ պետություն և մեկ երրորդ գործընկեր պետություն՝ Կանադան։
Հիշեցնենք՝ Հայաստանում ԵՄ առաքելությունը (ՀԵՄԱ) հիմնվել ու սկսել է իր գործառնությունը 2023 թվականի փետրվարի 20-ին ԵՄ արտաքին հարաբերությունների խորհրդի որոշմամբ։ ՀԵՄԱ առաջադրանքը ներառում է EUMA-ին հանձնարարված է դիտարկել և զեկուցել տեղում իրավիճակի մասին, նպաստել հակամարտություններից տուժած տարածքներում մարդկանց անվտանգությանը և հնարավորինս աջակցել Հայաստանի և Ադրբեջանի միջև վստահության ձևավորմանը: ՀԵՄԱ-ն տարածաշրջանում խաղաղությանն ու կայունությանը աջակցելու ԵՄ ջանքերի էական բաղադրիչն է:
