30.09.2026 | 21:27
«Դարի կողոպուտը». Էրդողանի բարձրաստիճան կուսակցի ակտիվները սառեցվում են ներդրումային ֆոնդի շուրջ սկանդալի ֆոնին
Եղիշե Մելիքյանը հանդիպել է Հենրիխ Մխիթարյանի հետ․ ԼՈՒՍԱՆԿԱՐ
16.02.2026 | 15:27
«Ինտեր» – «Յուվենտուս» ֆուտբոլի Իտալիայի առաջնության 25-րդ տուրի հանդիպումից հետո Հայաստանի ազգային հավաքականի գլխավոր մարզիչ Եղիշե Մելիքյանը հանդիպել է Հենրիխ Մխիթարյանին։
«Ինտերի» 37-ամյա կիսապաշտպանը վերահաստատել է, որ այս փուլում կենտրոնացած է բացառապես ակումբային կարիերայի վրա:
Եղիշե Մելիքյանը և Հենրիխ Մխիթարյանը նաև քննարկել են ինչպես եվրոպական, այնպես էլ հայկական ֆուտբոլին վերաբերող մի շարք հարցեր, հաղորդում է ՀՖՖ մամուլի ծառայությունը։
Հիշեցնենք, որ Միլանի «Սան Սիրո» ստադիոնում փետրվարի 14-ին կայացած խաղում «Ինտերը» 3:2 հաշվով հաղթել էր «Յուվենտուսին»։ Հայաստանի հավաքականի նախկին ավագ Հենրիխ Մխիթարյանն «Ինտերի» պահեստայինների թվում է եղել, սակայն խաղադաշտ դուրս չի եկել։
Ավելի վաղ Եղիշե Մելիքյանը հայտարարել էր, որ փորձելու է Մխիթարյանին վերադարձնել Հայաստանի հավաքական։ Կիսապաշտպանը 2021 թվականից հետո չի խաղացել ազգային թիմում։ Նա Հայաստանի հավաքականի պատմության լավագույն ռմբարկուն է` 95 խաղ, 32 գոլ։
