27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Բոլորին հետաքրքիր է՝ ինչ տեսք կունենա Երևանի և Բաքվի միջև խաղաղությունը. ադրբեջանցի փորձագետ. ՏԵՍԱՆՅՈՒԹ
Քաղաքականություն
14.02.2026 | 18:29
Հայ և ադրբեջանցի փորձագետների մասնակցությամբ քննարկմանը անդրադարձ է կատարվել հասարակությունների միջև վստահության պակասին, ձերբակալված ակտիվիստների խնդրին և համագործակցության կոնկրետ ոլորտներին։
Ադրբեջանցի քաղաքագետ Ֆարհադ Մամեդովը, պատասխանելով Բաքվի իրական նպատակների և խաղաղասեր ակտիվիստ Բահրուզ Սամադովի ձերբակալության մասին հարցին, նշել է, որ պետք է դատել ոչ թե խոսքերով, այլ՝ գործողություններով։
«Աբու Դաբիի հանդիպումից հետո Հայաստանի հետ խաղաղությունը դարձել է Ադրբեջանի նախագահի ներքին քաղաքական ծրագրի մաս։ Դրա մասին խոսվում է հետևողականորեն և ուղիղ»,- ասել է Մամեդովը՝ հավելելով, որ նպատակը պատերազմի չկրկնվելն է։
Քաղաքագետ Արեգ Քոչինյանն ընդգծել է, որ խնդիրը ոչ թե անցյալը մոռանալն է, այլ դրան զուգահեռ դրական օրակարգեր ստեղծելը։
«Ոչ մեկը չի խոսում մոռանալու մասին, ոչ մեկը չի խոսում պատմության վրա խաչ քաշելու մասին… Խոսքը գնում է՝ ինչպիսի՞ ապագա ենք մենք տեսնում երկու հասարակությունների համար, և այդ ապագայում դրականին տեղ կա՞, թե՞ ոչ»,- նշել է Քոչինյանը։
