30.09.2026 | 21:27
«Դարի կողոպուտը». Էրդողանի բարձրաստիճան կուսակցի ակտիվները սառեցվում են ներդրումային ֆոնդի շուրջ սկանդալի ֆոնին
Կենսաչափական համակարգը ՀՀ–ում կներդրվի աշնանը, հին նմուշի անձնագրերը ևս կգործեն. Արփինե Սարգսյան․ ՏԵՍԱՆՅՈՒԹ
Հասարակություն
13.02.2026 | 13:59
ՀՀ քաղաքացիները նոր կենսաչափական անձնագրերը և նույնականացման քարտերը կկարողանան ստանալ այս տարվա աշնանից։ Այս մասին 2025-ի տարեկան ամփոփիչ ասուլիսին ասաց ՀՀ ներքին գործերի նախարար Արփինե Սարգսյանը։
«Կենսաչափական համակարգը ՀՀ-ում նոր է ներդրվելու՝ 2026 թվականի աշնանը։ Այդ ժամանակ մեր քաղաքացիները կկարողանան ստանալ ինչպես բիոմետրիկ նոր անձնագրեր, այնպես էլ նույնականացման քարտեր»,- նշեց Սարգսյանը։
Նրա խոսքով՝ այս պահին աշխատում են կենսաչափական անձնագրի դիզայնի վերջնականացման վրա, առաջիկայում հանրությանը կներակացվի դրա նկարագիրը։ Դրանից հետո արդեն խմբաքանակը կտպագրվի։
Նախարարը շեշտեց՝ հին նմուշի անձնագրերն ավտոմատ կերպով դուրս չեն գալու շրջանառությունից ու քաղաքացիները դրանք կկարողանան օգտագործել այնքան, մինչև վավերականության ժամկետն անցնի։
Կենսաչափական անձնագրի և նույնականացման քարտի արժեքները, նախարարի խոսքով, վերջնականացման փուլում են, շուտով կհանրայնացվեն։
Մանրամասները՝ տեսանյութում։
