28.07.2026 | 11:06
Թուրքիան վերականգնում է Գյումրի տանող երկաթուղային ենթակառուցվածքները․ ըստ թուրք պաշտոնյայի՝ այն պատրաստ կլինի 2-3 ամսից
Հանսի Ֆլիկ․ 0։4 հաշվով պարտությունը ցավալի է․ ՏԵՍԱՆՅՈՒԹ
13.02.2026 | 12:34
Իսպանիայի գավաթի խաղարկության կիսաեզրափակիչի առաջին խաղում «Բարսելոնան» մրցակցի խաղադաշտում 0։4 հաշվով պարտվել է Մադրիդի «Աթլետիկոյին»։ Կատալոնական ակումբի գլխավոր մարզիչ Հանս-Դիտեր Ֆլիկը մեկնաբանել է պարտությունը։
«Առաջին խաղակեսում լավ չէինք խաղում, թիմային խաղն ու պրեսինգը բացակայում էին։ Մենք կարևոր դասեր քաղեցինք առաջին խաղակեսից և ավելի լավ անցկացրինք հանդիպման վերջնամասը։
Հիասթափված չեմ, գոհ եմ, թե ինչ մրցաշրջան է անցկացնում մեր թիմը։ Պարտությունը նույնպես ֆուտբոլի մի մասն է։ Ցավալի պարտություն էր, պետք է դասեր քաղենք։
Մենք կարող ենք պատասխան խաղում մեր երկրպագուների աջակցության ներքո երկու գոլ խփել խաղակեսերից յուրաքանչյուրում ու շտկել իրավիճակը»,- գերմանացի մարզիչի խոսքը մեջբերում է AS-ը։
Պատասխան հանդիպումը կկայանա մարտի 3-ին Բարսելոնայի «Կամպ Նոու» ստադիոնում։ «Բարսելոնան» Իսպանիայի գործող չեմպիոնն ու գավաթակիրն է։
