28.07.2026 | 10:57
Զախարովան հայտարարել է, թե ՀԱՊԿ-ի մասնակցությունը ԼՂ հակամարտությանն անհնար էր
768 կգ թմրանյութ է առգրավվել 2025-ի ընթացքում. Արփինե Սարգսյան․ ՏԵՍԱՆՅՈՒԹ
Հասարակություն
13.02.2026 | 11:55
2025 թվականին թմրամիջոցների ապօրինի շրջանառության դեպքերն աճել են 614-ով կամ 20,4 տոկոսով։ Հայտնաբերվել է թմրամիջոցների իրացման 243-ով ավելի դեպք։ Այս մասին ամփոփիչ ասուլիսում հայտարարեց ՆԳ նախարար Արփինե Սարգսյանը։
Սարգսյանը նշեց, որ իրավապահների կողմից առգրավվել է 768 կգ տարբեր տեսակի թմրամիջոց, ինչը 80 տոկոսով ավելի է նախորդ տարվա համեմատ։
«Սա կարևոր նվաճում է, քանի որ գնացել են խոշոր խմբաքանակների հետևից»,– ասաց նա։
Նախարարի խոսքով՝ այս հարցում մեծ դեր են ունեցել պարեկային ծառայողները, և նրանց կողմից բացահայտված հանցագործությունների թիվն աճել է։
«2025 թվականին պարեկային ծառայողները հայտնաբերել են թմրամիջոցների ապօրինի շրջանառության 2414 դեպք՝ նախորդ տարվա 1866-ի դիմաց, և առգրավել են շուրջ 32 կգ թմրամիջոց»,– նշեց ՆԳ նախարարը։
Մանրամասները՝ տեսանյութում։
