14.06.2026 | 21:38
Միտումնավոր անվավեր ճանաչեցին, որպեսզի ԲՀԿ-ն չհայտնվի խորհրդարանում. Տոնոյան․ ՏԵՍԱՆՅՈւԹ
Թոշակառուները մեր հասարակության դիմագիծն են. նոր օրինագծով ներդրվում է նվազագույն կենսաթոշակ հասկացությունը. Մանե Թանդիլյան
Հասարակություն
12.11.2018 | 15:53
«Կառավարության վերջնական քննարկման եմ ներկայացրել «Պետական կենսաթոշակների մասին» ՀՀ օրենքում լրացում կատարելու մասին օրինագիծը, համաձայն որի ներդրվում է նվազագույն կենսաթոշակ հասկացությունը:
Անկախ կենսաթոշակի չափից, այսուհետ նվազագույն կենսաթոշակից ցածր կենսաթոշակ չի սահմանվելու, որը 2019թ. պետական բյուջեի նախագծում դրված հաշվարկների համաձայն՝ կազմելու է 25,500 դրամ: Միևնույն ժամանակ, կառավարության որոշման նախագծով նախատեսվում է նաև 25,500 սահմանել նաև ծերության, կերակրողին կորցնելու և հաշմանդամության նպաստների նվազագույն չափը: Նշված փոփոխությունը վերաբերվելու է մոտ 80,000 քաղաքացու:
Համոզված եմ, որ առաջիկայում հնարավորություն կունենանք ավելի մեծ խմբերի համար ավելի մեծ չափով փոփոխություններ կատարել: Թոշակառուները մեր հասարակության դիմագիծն են և նրանց նկատմամբ պետության պարտավորությունը ներառում է նաև վերաբերմունք իրենց կատարած աշխատանքի և նվիրման համար, ինչի շնորհիվ է նաև, որ մենք ունենք ավելի լավ և ուժեղ Հայաստան կառուցելու հնարավորություն»,- ֆեյսբուքի իր էջում գրել է ՀՀ աշխատանքի և սոցիալական ապահովության նախարարի պաշտոնակատար Մանե Թանդիլյանը:
