12.02.2026 | 13:45
Եռակի օլիմպիական չեմպիոն դարձած լեռնադահուկորդը 58 տարվա վաղեմության ցուցանիշ է կրկնել. ՏԵՍԱՆՅՈՒԹ
UFC-ի լեգենդար մարտիկ․ Տոպուրիային հաղթելու լավագույն շանսեր ունի Արման Ծառուկյանը
12.02.2026 | 11:16
UFC-ի լեգենդար մարտիկ Դեմետրիուս Ջոնսոնը կարծիք է հայտնել թեթև քաշային կարգի դասակարգման երկրորդ համար Արման Ծառուկյանի մասին։ Ամերիկացու կարծիքով՝ հայ մարտիկը կարող է հաղթել UFC-ի թեթև քաշային կարգի գործող չեմպիոն Իլյա Տոպուրիային։
«Ծառուկյանը շատ աթլետիկ և ուժեղ մարտիկ է, որը հիանալի կարողանում է հարմարվել։ Նա երբեք չի հոգնում և միշտ պատրաստ է սովորել նոր բաներ։ Ես շատ զարմացած եմ, թե որքան լավ է նա կարողանում մարզվել տարբեր կառուցվածքի ու քաշի մարտիկների հետ։ Եթե նա շարունակի նույն կերպ, կերկարացնի իր կարիերան։
Կարծում եմ՝ Ծառուկյանն ունի աթլետիզմ, հմտություններ ու տրամադրվածություն՝ Տոպուրիային հաղթելու համար։ Արմանը պետք է մենամարտի Ջասթին Գեյջ-Իլյա Տոպուրիա մենամարտի հաղթողի հետ։ Թեթև քաշային կարգում հենց Ծառուկյանն ունի Տոպուրիային հաղթելու լավագույն շանսերը»,- ասել է Ջոնսոնը սոցցանցերում հրապարակված տեսանյութում։
Սպասվում է, որ Իլյա Տոպուրիան հաջորդ մենամարտն անցկացնելու է UFC-ի թեթև քաշային կարգի ժամանակավոր չեմպիոնի տիտղոսը նվաճած ամերիկացի Ջասթին Գեյջիի հետ։ Տոպուրիան խառը մենամարտերում անցկացրել է 17 հանդիպում ու տարել նույքան հաղթանակ։
29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
