Բասկետբոլի ազգային ասոցիացիայի (NBA) կանոնավոր առաջնության հերթական խաղային օրը տեղի են ունեցել բախումներ։
«Շառլոթ Հորնեթս» – «Դեթրոյտ Փիսթոնս» (104:110) խաղում տանտերերի խաղացող Մուսա Դիաբատեն խախտել է կանոնները Ջեյլեն Դյուրենի դեմ պայքարում։ Դա դուր չի եկել «Դեթրոյտի» կենտրոնականին, որը հրել է մրցակցի դեմքը, ինչից հետո կրքերը թեժացել են։ Բախման պատճառով մրցավարը 4 բասկետբոլիստի հեռացրել է խաղահրապարակից։
«Մինեսոտա Թիմբերվուլվզ» – «Ատլանտա Հոուքս» (138:116) խաղում ևս տեղի է ունեցել բախում։ Այս անգամ ինչ-որ բան չեն կիսել «Մինեսոտայի» խաղացող Նազ Ռիդն ու «Ատլանտայի» բասկետբոլիստ Մո Գեյեն։ Ի տարբերություն նախորդ միջադեպի, այստեղ թիմակիցները փորձել են բաժանել նրանց։
