28.07.2026 | 12:23
«Էկոակտիվիզմը Հայաստանի համայնքներում 2025 թվականին» թեմայով համաժողով. ՈՒՂԻՂ
Օլիմպիական խաղերի կազմկոմիտեն հետաքննություն է սկսել մեդալների կոտրվելու հարցով
10.02.2026 | 14:12
Իտալիայում ընթացող 25-րդ ձմեռային Օլիմպիական խաղերում գրանցվել է մեդալների վնասման դեպքեր։ Մեդալակիրներից մի քանիսը հայտնել են, որ իրենց մեդալները վնասվել կամ կոտրվել են։
Ձմեռային Օլիմպիական խաղերի կազմկոմիտեի գործառնական տնօրեն Անդրեա Ֆրանչիզին նշել է, որ կազմակերպիչները հետաքննություն են սկսել մեդալների վնասման առնչությամբ։
«Կազմկոմիտեն տեղյակ է սահմանափակ քանակությամբ մեդալների վնասման մասին և ուսումնասիրում է այդ հարցը։ Մենք լուրջ ենք վերաբերվում դրան՝ լիովին գիտակցելով, թե ինչ նշանակություն ունեն այդ մեդալները մարզիկների համար»,- Անդրեա Ֆրանչիզիի խոսքը մեջբերում է «Матч ТВ»-ն։
Միլանում և Կորտինա դ’Ամպեցոյում անցկացվող ձմեռային Օլիմպիական խաղերը կավարտվեն փետրվարի 22-ին։ Հայաստանն ունի 5 մասնակից, որոնցից երկուսն արդեն սկսել են մրցելույթը։
