04.04.2026 | 17:00
Անհապաղ վերացնել Դավիթ Մինասյանի կալանքը և իրականացնել բազմակողմանի քննություն. ՀԿ-ների պահանջը
Միքայել արքեպիսկոպոս Աջապահյանը կրկին վիրահատվել է
Հասարակություն
10.02.2026 | 13:37
Շիրակի թեմի առաջնորդ Միքայել արքեպիսկոպոս Աջապահյանին կրկին վիրահատել են։ Այս մասին Factor.am-ի հետ զրույցում ասաց «Իզմիրլյան» ԲԿ–ի տնօրեն Արմեն Չարչյանը։
«Այս անգամ վիրահատությունը ուրոլոգիական բնույթի է եղել։ Վիրահատությունը բարեհաջող է անցել»,- նշեց Չարչյանը։
Նշենք, որ փետրվարի 6-ին Միքայել արքեպիսկոպոս Աջապահյանի կալանքը փոխվեց․ նրա նկատմամբ խափանման միջոց ընտրվեցին տնային կալանքն ու բացակայելու արգելքը:
Հիշեցնենք, որ Երևանի քրեական դատարանի դատավոր Արմինե Մելիքսեթյանը իշխանությունը զավթելու հրապարակային կոչ հնչեցնելու գործով սեպտեմբերի 24-ին մեղադրական վերդիկտ է կայացրել Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի վերաբերյալ և օրեր անց կայացված դատավճռով նրան դատապարտել 2 տարի ժամկետով ազատազրկման։
Արփի Հակոբյան
