30.09.2026 | 22:42
Հայաստանի հավաքականը ժամանել է Կիպրոս
Վալերի Ծառուկյանը նոր թիմ ունի
10.02.2026 | 11:41
Ռուսական «Պարի Նիժնի Նովգորոդի» կիսապաշտպան Վալերի Ծառուկյանը տեղափոխվել է Գրոզնիի «Ախմատ», հաղորդում է ակումբի մամուլի ծառայությունը։
24-ամյա ֆուտբոլիստը մինչև այս մրցաշրջանի ավարտը վարձակալական պայմանագիր է կնքել «Ախմատի» հետ, որի կազմում այս օրերին հավաքի է մասնակցում է թուրքական Բելեկում։
«Ախմատը» գլխավորում է Ռուսաստանի հավաքականի նախկին գլխավոր մարզիչ Ստանիսլավ Չերչեսովը։ Ռուսաստանի Պրեմիեր լիգայի 18-րդ տուրից հետո Գրոզնիի թիմը 22 միավորով 8-րդ տեղում է, իսկ «Պարի Նիժնի Նովգորոդը» 14 միավորով 14-րդն է։
Վալերի Ծառուկյանը 2024 թվականից էր հանդես գալիս «Պարի Նիժնի Նովգորոդում», որի հետ պայմանագիր ունի մինչև 2027թ․ հունիսի 30-ը։ Ընթացիկ մրցաշրջանում հայ կիսապաշտպանը մասնակցել է 6 հանդիպման, արդյունավետ գործողություններով աչքի չի ընկել։ Ավելի վաղ Ծառուկյանը հայտարարել էր, որ ցանկանում է խաղալ Հայաստանի ազգային հավաքականում։
