28.07.2026 | 13:15
Հրդեհ Ուրցաձոր գյուղում․ հրշեջ-փրկարարներին հաջողվել է կանխել հրդեհի տարածումը
Լինդսի Վոնը վիրահատվել է ձմեռային Օլիմպիական խաղերում ստացած ծանր վնասվածքից հետո․ ՏԵՍԱՆՅՈՒԹ
09.02.2026 | 13:34
2010թ․ օլիմպիական չեմպիոն, աշխարհի կրկնակի չեմպիոն Լինդսի Վոնը վիրահատության է ենթարկվել Իտալիայում շարունակվող 25-րդ ձմեռային Օլիմպիական խաղերում ստացած ծանր վնասվածքի պատճառով, հաղորդում է Sky Sports-ը։
41-ամյա ամերիկացի լեռնադահուկորդը ոտքի կոտրվածք էր ստացել լեռնադահուկային սպորտի արագընթաց վայրէջքի մրցման ժամանակ։ Վոնը մրցուղուց ուղղաթիռով տեղափոխվել էր Կորտինայի հիվանդանոց։ Ավելի ուշ նա տեղափոխվել է Տրեվիզո քաղաքի հիվանդանոց, որտեղ վիրահատվել է։
Այս տարվա հունվարին Լինդսի Վոնը ստացել էր ծնկի խաչաձև կապանի պատռվածք, սակայն որոշել էր չհրաժարվել Օլիմպիական խաղերի մասնակցությունից։ 2024 թվականին ամերիկացին ենթարկվել էր ծնկահոդի փոխարինման վիրահատության։
