Ալեն Սիմոնյանը Լավրովին պիտի՛ հարցներ՝ 165 մլն դոլարը ՀՀ-ում ինչպե՞ս եք ծախսելու․ սպառնալիքը դա է, ոչ՝ ԵՄ-ի 12 մլնը․ Արթուր Սաքունց. ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցի կարծիքով Հայաստանի նկատմամբ Ռուսաստանի քաղաքականությունը երկարաժամկետ կտրվածքով հիմնված է ուժի և սպառնալիքի դիրքերից խոսելու վրա։ 

ՀՀ ԱԺ նախագահ Ալեն Սիմոնյանին երեկ Լավրովն ասում էր՝ տարօրինակ են հյուսիսից ՀՀ-ի դեմ հիբրիդային հարձակումների մասին պնդումները։  «Եվ կարող եմ ձեզ վստահեցնել, որ երբ արտերկրից՝ ակնհայտորեն ակնարկելով ՌԴ-ին, ազդակներ են հնչում, թե ինչ-որ մեկը պատրաստվում է միջամտել [ընտրություններին], երբ Երևանից են ԵՄ-ին ուղղված կոչեր հնչում՝ թույլ չտալ այդ միջամտությունը, այդ ամենը մեզ համար տարօրինակ է։ Նման քայլերը ակնհայտ սադրիչ նպատակներով են արվում»,- ասել էր ՌԴ ԱԳ նախարարը։  

Factor TV-ին տված հարցազրույցում Արթուր Սաքունցը հիշեցրել է 2013 թվականի սեպտեմբերի 3-ի իրադարձությունները։ «Այդ փաստը անգամ վկայում է այն մասին, թե ով է իրական սադրիչը, ով է իրականում այն կենտրոնը, որից սպառնալիքներով են խոսում»,- նշել է իրավապաշտպանը։ Նրա խոսքով, Ռուսաստանի Դաշնությունը, բացառությամբ Ելցինի կառավարման կարճ ժամանակահատվածի, մշտապես իր հարևանների հետ խոսել է ուժի դիրքերից։ «Կրեմլը բացի ուժային սպառնալիքից, այլ մեթոդ չունի հարևան պետությունների հետ խոսելու համար»,- ընդգծել է նա՝ որպես օրինակ բերելով Վրաստանի և Ուկրաինայի դեմ ագրեսիաները։

Խոսելով ռուսական կողմի՝ ՀՀ ԱԺ ընտրություններին դիտորդական առաքելություն ուղարկելու պատրաստակամության մասին՝ Սաքունցը կասկածի տակ է դրել դրա անաչառությունը։ Նա վկայակոչել է ԱՊՀ դիտորդների գործունեությունը Հայաստանի նախորդ ընտրությունների ժամանակ, մասնավորապես 2008 թվականին, երբ նրանց գնահատականները չեն արտացոլել իրականությունը։ «Մի պետություն, որը իր ընտրություններն է կեղծում, քվեարկությունն է կեղծում, որը իր դիտորդական առաքելություններին փակում է, որոնք անկախ և անկողմնակալ դիտորդություն են իրականացնում, ի՞նչ ակնկալիք կարելի է ունենալ նման պետության կողմից դիտորդական առաքելության իրականացման այդ հայտից»,- հարցադրում է արել իրավապաշտպանը։

Նրա համոզմամբ՝ Ռուսաստանի Դաշնությունը, որտեղ անկախ դիտորդական կազմակերպությունները ճանաչվում են «ինոագենտ», չի կարող օրինակ ծառայել ազատ և արդար ընտրությունների ապահովման հարցում։ «Ռուսաստանի Դաշնությունը որևէ անելիք չունի Հայաստանում»,- եզրափակել է նա։

Ըստ Սաքունցի՝ Կրեմլի քաղաքականության հիմքում ընկած է հարևան պետություններին հպատակի կարգավիճակում տեսնելու ձգտումը։ Նա քննադատել է Նիկոլ Փաշինյանի 2020 թվականից առաջ արված այն հայտարարությունը, թե Ռուսաստանը թույլ չի տա պատերազմ, համարելով դա հպատակության լավագույն արտահայտություն։ Սաքունցը նաև անդրադարձել է Ռուսաստանի կողմից Հայաստանի ներքին գործերին միջամտելու փորձերին՝ նշելով 165 միլիոն դոլարի հատկացումը «փափուկ ուժի» կիրառման համար։ Նա սա համարում է ապատեղեկատվության դեմ պայքարի անհրաժեշտության ապացույց և ողջունում է այդ նպատակով Եվրամիության կողմից 12 միլիոն եվրոյի տրամադրումը։

Որպես Ռուսաստանի ազդեցության վառ օրինակ՝ իրավապաշտպանը ներկայացրել է Հայաստանում անցանկալի անձանց ցուցակի պատմությունը։ «Մինչև 2018 թիվը, ես հիմա մոտավոր եմ հիշում, անցանկալի անձանց թիվը կազմել է մեր ռեսուրսում 48,000 մարդ։ Թավշյա հեղափոխությունից հետո գիտե՞ք ինչքան է դարձել 48,000-ից։ Իջեցրել ենք մինչև 18,000։ Գիտե՞ք այդ մնացած 30,000-ը ովքեր էին։ Այդ 30,000 Հայաստանի Հանրապետության համար անցանկալի անձինք են, որոնք անցանկալի են համարվել նաև Ռուսաստանի Դաշնության համար»,- բացահայտել է Սաքունցը։

Հարցազրույցն ամբողջությամբ՝ տեսանյութում։

Ռոբերտ Անանյան