04.06.2026 | 17:09
Մենք վստահելի գործընկեր ենք, մենք չենք սպառնում, չենք ճնշում, այլ օգնում ենք․ Օլիվիե Դըկոտինյի․ ՏԵՍԱՆՅՈւԹ
Բագրատ Գալստանյանի պաշտպանը միջնորդեց որպես վկա հրավիրել Աննա Վարդապետյանին, ՔԿ նախագահ Արթուր Պողոսյանին «Սրբազան պայքար» շարժման գործով դատական նիստին․ ՏԵՍԱՆՅՈՒԹ
Հասարակություն
05.02.2026 | 17:40
Բագրատ արքեպիսկոպոս Գալստանյանի պաշտպաններից Հովհաննես Խուդոյանը դատարանին միջնորդեց որպես վկա դատարան հրավիրել և հարցաքննել ՀՀ գլխավոր դատախազ Աննա Վարդապետյանին, Քննչական կոմիտեի նախագահ Արթուր Պողոսյանին, Ազգային ժողովի պատգամավոր Գառնիկ Դանիելյանին, ինչպես նաև՝ Հովհաննես Ավետիսյանին:
Նշենք, որ այս գործով մեղադրյալներին ձերբակալելուց հետո Գլխավոր դատախազ Աննա Վարդապետյանն ու Քննչական կոմիտեի նախագահ Արթուր Պողոսյանը հարցազրույցներ են տվել, և այժմ պաշտպանական կողմը նրանց հարցեր ունի:
Ինչ վերաբերում է Գառնիկ Դանիելյանին և Հովհաննես Ավետիսյանին, ապա նրանք, ըստ Խուդոյանի, վարույթի համար կարևոր հանգամանքներ կարող են հայտնել։ Նշենք, որ քրեական վարույթը հարուցելուց հետո Քննչական կոմիտեն ձայնագրություններ էր հրապարակել: Այս ձայնագրություններից մեկում՝ հայտնի «գյուլլելու» դրվագում Բագրատ արքեպիսկոպոս Գալստանյանը զրուցում է Հովհաննես Ավետիսյանի հետ:
Արաքս Մամուլյան
