02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Ալեն Սիմոնյանը ՌԴ-ում նաև Լավրովի հետ հանդիպում կունենա
Քաղաքականություն
02.02.2026 | 20:14
Այցը իմ գործընկեր տիկին Մատվիենկոյի հրավերով է։ Նախատեսվում է հանդիպում իր հետ, ինչպես նաև ՌԴ արտգործնախարարի հետ։ Այս մասին Factor TV-ի հետ զրույցում ասել ՀՀ ԱԺ նախագահ Ալեն Սիմոնյանը՝ անդրադառնալով փետրվարի 5-6-ը իր՝ ՌԴ կայանալիք պաշտոնական այցին։
«Դեռ այսքանը բացեմ, հա՞, կլինեն գուցե էլի հանդիպումներ։ Հեռախոսազրույցի ընթացքում մենք քննարկել ենք դեռ չստորագրված, չվավերացված փաստաթղթերը: Երբ որ տիկին Մատվիենկոն այստեղ էր, կհիշեք, ֆորում անցկացվեց, Ռուսաստանի ռեգիոնների և Հայաստանի մարզերի միջև մի շարք համաձայնություններ ստորագրվեցին։ Դրանց վավերացման խնդիր կա։ Այդ հարցերն ենք քննարկելու, հայ-ռուսական հարաբերությունների խնդիրն ենք քննարկելու։ Նաև նախապատրաստվում է Ռուսաստանում Հայաստանի մշակույթի օրեր անցկացնել, և այդ օրերի ժամկետներն ենք քննարկելու»,- տեղեկացրեց ԱԺ նախագահը։
Factor TV-ի հարցին՝ հնարավո՞ր է, որ ռուս պաշտոնյաների հետ հանդիպման ժամանակ պարոն Սիմոնյանը նաև բարձրացնի Ռուսաստանից ՀՀ-ի դեմ հիբրիդային հարձակումների հարցը, ինչի մասին ավելի վաղ հիշատակել էր, Սիմոնյանը պատասխանեց.
«Կարծում եմ, որ որևիցե մեկի մոտ կասկած չկա, որ ինձ համար, մեր թիմի համար, այդպիսի հարց չկա, որը որ մենք չենք քննարկի, եթե դրա մասին խոսում ենք։ Տիկին Մատվիենկոն երբ որ այստեղ է եղել, բնական է, ես ասել եմ։ Դեսպանի հետ հանդիպման ժամանակ մեր մտահոգությունները ասել եմ։ Դեսպանն ԱԳՆ հրավիրվել է, և դրա հետ կապված իրեն ամեն ինչ ասվել է։ Եթե դրա առիթը լինի, եթե դրա կարիքը լինի, ես չեմ կարծում, որ կրկնում եմ, որևիցե մեկի մոտ կասկած կա, որովհետև դե բարձր ասում ենք, հիմա ես ձեր եթերում ասում եմ կամ Ազգային ժողովի ամբիոնից ասում եմ»։
Նարեկ Կիրակոսյան
