Ֆրանկֆուտի «Այնտրախտը» հետաքրքրված է Սերբիայի չեմպիոն «Ցրվենա Զվեզդայի» պաշտպան Նաիր Թիկնիզյանի ծառայություններով։
Tansfer Feed-ը գրում է, որ գերմանական ակումբի ներկայացուցիչները Եվրոպա լիգայի նախորդ երկու տուրերում հետևել են Հայաստանի ազգային հավաքականի 26-ամյա ֆուտբոլիստի խաղին։ Չի բացառվում, որ առաջիկայում Բունդեսլիգայի ներկայացուցիչը պաշտոնական առաջարկ կանի Թիկնիզյանի տրանսֆերի վերաբերյալ։
Ավելի վաղ հայտնի էր դարձել, որ ռուսական ակումբներից մեկը Նաիր Թիկնիզյանի տրանսֆերի համար առաջարկել է 5,5 միլիոն եվրո, սակայն «Ցրվենա Զվեզդայի» նորանշանակ գլխավոր մարզիչ Դեյան Ստանկովիչը դեմ է եղել հայ ֆուտբոլիստի հեռանալուն։
Նաիր Թիկնիզյանն 2025թ․ ամռանն է Մոսկվայի «Լոկոմոտիվից» տեղափոխվել «Ցրվենա Զվեզդա», որի հետ պայմանագրի ժամկետը նախատեսված է մինչև 2028թ․ ամառ։ Transfermarkt-ը 4,5 միլիոն եվրո է գնահատում հայ պաշտպանի տրանսֆերային արժեքը։
