Հայաստանի ներկայացուցիչ Էլինա Ավանեսյանը հաջող է մեկնարկել Չեխիայի Օստրավա քաղաքում ընթացող WTA 250 կարգի միջազգային մրցաշարում։
Առաջին շրջանում 23-ամյա թենիսիստը 3 սեթում առավելության է հասել աշխարհի 88-րդ ռակետ, ճապոնացի Մոյուկա Ուչիջիմայի նկատմամբ։ 1 ժամ 55 րոպե տևած պայքարում Ավանեսյանը հաղթել է 6։3, 2։6, 6։3 հաշվով։
1/8 եզրափակիչում Էլինա Ավանեսյանի մրցակիցը կլինի Ալիսիա Պարկս (ԱՄՆ, 99-րդ ռակետ) – Ջուլիա Գրաբեր (Ավստրիա, 95-րդ ռակետ) զույգի հաղթողը։
Կանանց թենիսի ասոցիացիայի (WTA) դասակարգման աղյուսակում Ավանեսյանը զբաղեցնում է 169-րդ տեղը։
