Պահանջ Փաշինյանին և ընդդիմադիրներին․ ԵԽԽՎ-ին մտահոգում է նրանց բառապաշարը․ ՏԵՍԱՆՅՈՒԹ

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

«Մայր Աթոռում մեկը բոսյակ ա, մյուսը՝ սեռական մոլագար ու մենք մեր կյանքով ապրում ենք, ինչ է եղել»․ վարչապետ Նիկոլ Փաշինյանի այսօրինակ հայտարարությունների ֆոնին Եվրախորհրդի Խորհրդարանական վեհաժողովը մտահոգություն է հայտնել հայաստանյան քաղաքական դաշտում առկա ատելության խոսքի և անհանդուրժողականության վերաբերյալ։ Եվրոպական կառույցը հրապարակած զեկույցում հույս է հայտնում, որ ոչ միայն իշխող, այլև ընդդիմադիր կուսակցությունները կընդունեն համապատասխան վարքագծի կանոններ, որոնք արգելում են ատելության խոսքի օգտագործումը, իսկ կիրառման դեպքում՝ կուսակիցների համար կնախատեսեն պատժամիջոցներ: Վեհաժողովը քաղաքական դաշտում նման գործիքակազմի անհրաժեշտությունը տեսնում է հատկապես նախընտրական գործընթացների մեկնարկի ֆոնին։

«2026 թվականի հունիսին կայանալիք խորհրդարանական ընտրություններից առաջ Վեհաժողովը կոչ է անում բարելավել քաղաքական մեծամասնության և ընդդիմության միջև հարաբերությունները՝ ապահովելու համար, որ ընտրարշավը լինի խնդիրների և քաղաքականության վրա հիմնված և զերծ լինի ընտրությունների մասնակիցների միջև անձնական հարձակումներից»,- ասված է զեկույցում։

Հայաստանի քաղաքացիները 2021 թվականին նախընտրական շրջանում արդեն իսկ ականատես են եղել թեկնածուների կողմից անկաշկանդ հայհոյախոսության, որն այս տարիներին արմատավորվել է թե՛ իշխանության, թե՛ ընդդիմության խոսույթում։

Արդյո՞ք ԵԽԽՎ զեկույցը նախընտրական թեժ շրջանում կզսպի քաղաքական գործիչներին։ Նիկոլ Փաշինյանի թիմակից, ԱԺ Եվրոպական ինտեգրման մշտական հանձնաժողովի նախագահ Արման Եղոյանը կարծում է՝ իշխանությունն արդեն իսկ բազմաթիվ քայլեր է արել այդ ուղղությամբ։

«Վարչապետն իր կողմից ամեն ինչ անում է, որ քննարկումները լինեն բովանդակային դաշտում, թե ԱԺ-ում հարցուպատ ասխանի ժամանակ, թե լրագրողների հետ ճեպազրույցում»,- ասաց Արման Եղոյանը։

Նիկոլ Փաշինյանը ԵԽԽՎ-ի քննադատական բանաձևից մեկ ամիս առաջ էր հայտարարել, որ իշխող ՔՊԿ-ն էթիկայի կանոնագիրք է ընդունել, որով բացառելու են հայհոյախոսությունը։

Սերժ Սարգսյանի թիմակից, ԱԺ «Պատիվ ունեմ» խմբակցության ղեկավար Հայկ Մամիջանյանը վստահ է՝ ՔՊ-ն նախապես տեղյակ է եղել եվրոպական կողմի դիտարկումներին, այդ պատճառով էլ հայտարարել են էթիկայի կանոնների ընդունման մասին։

«Իշխանությունները շատ լավ գիտեին, թե ինչ է լինելու զեկույցում։ Հենց այդ տրամաբանությամբ են ստեղծել իրենց կուսակցության ֆիկտիվ էթիկայի կանոնադրությունը, որն իրենցից յուրաքանչյուրը ոտնահարում է իր յուրաքանչյուր հանրային խոսքի ժամանակ»,- ասում է Հայկ Մամիջանյանը։

Արման Եղոյանը հակադարձում է․ «Եթե երկու սուբյեկտ տեսնում են նույն խնդիրը, մենք տեսել ենք այն ամիսներ առաջ, ինչն արձանագրում է ԵԽԽՎ-ն։ Խնդիրը կա, ցանկացած ողջամիտ մարդ տեսնում է»։

Նշենք, որ Եվրախորհրդի Խորհրդարանական վեհաժողովը խորապես մտահոգված է նաև վարչապետի և Հայ Առաքելական եկեղեցու ղեկավարի միջև լարվածությամբ, ինչպես նաև Հայ Առաքելական եկեղեցու մի քանի հոգևորականների կողմից իշխանությունը զավթելու դավադրությունների մասին հաղորդագրություններով:

Մանրամասները՝ տեսանյութում։

Նարեկ Կիրակոսյան