14.03.2026 | 13:49
Զելենսկին Փարիզում հանդիպել է Իրանի շահի որդու՝ Ռեզա Փահլավիի հետ
UFC-ի նախագահը չի բացառել, որ Արման Ծառուկյանը կմասնակցի Սպիտակ տան մրցաշարին
26.01.2026 | 12:22
UFC-ի նախագահ Դենա Ուայթը չի բացառել, որ թեթև քաշային կարգի դասակարգման առաջատար Արման Ծառուկյանը կարող է մասնակցել Վաշինգտոնի Սպիտակ տանը հունիսի 14-ին կայանալիք UFC White House մրցաշարին։ Դենա Ուայթը նաև ընդունել է, որ կազմակերպությունն անարդար է վարվել՝ հայ մարտիկին չտալով թեթև քաշային կարգի ժամանակավոր տիտղոսի համար մենամարտելու հնարավորություն։
«Այո, դա այդպես է։ Բոլորը ճիշտ են։ Արդյոք կարո՞ղ է Արմանը հանդես գալ Սպիտակ տան մրցաշարում։ Չեմ կարող ստույգ պատասխան տալ, բայց հնարավոր է՝ այո»,- UFC 324 մրցաշարից հետո կայացած ասուլիսում ասել է ամերիկացի ֆունկցիոները։
Հունվարի 25-ին կայացած UFC 324-ում ամերիկացի Ջասթին Գեյջին մրցավարների միաձայն որոշմամբ հաղթել էր բրիտանացի Փեդի Փիմբլեթին ու դարձել թեթև քաշային կարգի ժամանակավոր չեմպիոն։ Սպասվում է, որ 37-ամյա ամերիկացին հաջորդ մենամարտն անցկացնելու է գործող չեմպիոն Իլյա Տոպուրիայի հետ։
29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
