14.03.2026 | 18:02
Հրազդանի, Սևանի, Ապարանի, Արագածի, Աշոցքի տարածաշրջաններում ձյուն է տեղում
ԱՄՆ-ում ձնաբքի պատճառով 11 մարդ է զոհվել․ ավելի քան մեկ միլիոն մարդ մնացել է առանց էլեկտրաէներգիայի. ՏԵՍԱՆՅՈՒԹ
Քաղաքականություն
26.01.2026 | 11:45
ԱՄՆ-ում ձնաբքի և փոթորկի հետևանքով 11 մարդ է զոհվել։ Եղանակի հետ կապված մահվան դեպքերի մասին հայտնել են Թենեսիի, Կանզասի, Նյու Յորքի, Տեխասի, Լուիզիանայի և Միչիգանի իշխանությունները։
Միաժամանակ, մեկ միլիոնից ավելի մարդ մնացել է առանց էլեկտրաէներգիայի, հաղորդում են Reuters-ը և CNN-ը՝ հղում անելով PowerOutage.us կայքի տվյալներին, որը հետևում է էլեկտրաէներգիայի անջատումներին։ Հիմնականում տուժել են հարավային նահանգները։ Սառույցի պատճառով ծառերի ճյուղերն ընկել են էլեկտրահաղորդման գծերի վրա, ինչը հանգեցրել է էլեկտրամատակարարման խափանումների։ CNN-ի տվյալներով՝ Թենեսիում ավելի քան 330,000, Միսիսիպիում՝ ավելի քան 160,000, Լուիզիանայում՝ ավելի քան 135,000, իսկ Տեխասում՝ ավելի քան 90,000 հաճախորդներ մնացել են առանց էլեկտրաէներգիայի, գրում է Meduza-ն։
Առատ ձյուն է տեղացել Կոլորադոյում, Իլինոյսում, Ինդիանայում, Միսսուրիում, Նյու Ջերսիում, Նյու Յորքում և Փենսիլվանիայում: Հունվարի 25-ին ձյան և սառույցի պատճառով ամբողջ երկրում ավիաընկերությունները չեղարկել են ավելի քան 11,000 չվերթ։
Հաղորդվում է, որ պատմական փոթորկից կարող է տուժել շուրջ 245 միլիոն մարդ 40 նահանգներում՝ Նյու Մեքսիկոյից և Տեխասից մինչև Նոր Անգլիայի որոշ հատվածներ և հարավը։ Փոթորկի մոտենալու հետ կապված առնվազն 24 նահանգ արտակարգ դրություն է հայտարարել։
Թարգմանությունը՝ Էմմա Չոբանյանի
