25.01.2026 | 12:43
Ֆիլմ + երաժշտություն = հիթ․ «Բոինգ Օրկեստրան» ներկայացրեց նոր թեմատիկ երգ
Սիրիան 15 օրով երկարաձգել է քրդերի հետ հրադադшրը
Քաղաքականություն
25.01.2026 | 10:20
Սիրիայի պաշտպանության նախարարությունը հայտարարել է Սիրիայի արաբական բանակի գործողությունների բոլոր ճակատներում 15 օրով հրադադարի երկարաձգման մասին՝ սկսած 2026 թվականի հունվարի 24-ի ժամը 23:00-ից։ Այս մասին հայտնում է Սիրիայի պետական SANA գործակալությունը։
Պաշտպանության նախարարության հայտարարության մեջ ասվում է, որ հրադադարի երկարաձգումը տեղի է ունենում ԱՄՆ-ի կողմից ԴԱԻՇ-ի կալանավորներին «Սիրիական դեմոկրատական ուժեր» (SDF) կազմակերպության բանտերից Իրաք տեղափոխելու գործողության աջակցման օգտին։
Ավելի վաղ ԱՄՆ նախագահ Դոնալդ Թրամփը Սիրիայի ժամանակավոր նախագահ Ահմեդ ալ-Շարաայի հետ հեռախոսազրույցում ասել է, որ ցանկանում է՝ Սիրիայի կառավարական ուժերի և քրդերի գլխավորած «Սիրիայի դեմոկրատական ուժերի» (SDF) միջև բռնությունը դադարեցվի։
Ըստ Al-Monitor-ի աղբյուրների՝ Թրամփը Սիրիայի առաջնորդից խոստում է ստացել չմտնել Հասաքե, քանի որ սիրիական բանակը մոտենում է քրդերի կողմից վերահսկվող քաղաքին։
